Jewel: Dili ko makig-kompetensya

CEBU, Philippines - Giklaro ni Jewel Mische nga wala siya’y plano nga makig-kompetensya sa ubang Kapamilya stars gumikan kay makontento ra siya sa bisan unsa nga proyekto nga ihatag kaniya sa ABS-CBN. Si Jewel maoy gi-build-up karon sa Dos ug iyang panghinaut nga kagaton unta sa publiko ang tandem nila ni Gerald   Anderson.

Wala’y dumot

Wala magselos si Sam YG sa giingong pakig-bonding ni Daiana Menezes ngadto sa bituon sa Glee nga si Mark Salling didto sa Boracay sa miaging buwan. Matud pa ni Sam nga nagpabilin ang friendship nila ni Daiana bisan pa man sa mitumaw nga mga balita nga matud pa naputol na ang ilang relasyon.

Venus pasidunggan karong gabii

Pormal na nga madawat karong gabii sa beauty queen nga si Maria Venus Raj ang pasidungog gumikan sa pagkalakip sa iyang pangalan sa listahan sa   12 ka Most Outstanding People sa Asia Magazine. Nalakip usab sa listahan sila si Dingdong Dantes, Sen. Juan Ponce Enrile, Josie Natori, Kenneth Cobonpue, Fr. Rocky Evangelista, Rhett Eala, Ryan Cayabyab, Mike Enriquez, Felino Palafox Jr., Rachy Cuna ug Jaime Bautista.

Chynna mihawa sa Babaeng Hampaslupa

Wala modayon si Chynna Ortaleza sa serye nga Babaeng Hampaslupa sa TV 5 gumikan kay  nakatutok na sa GMA-7 ang konsentrasyon sa iyang showbiz career. Si Karel Marquez maoy mihulip sa gibiyaan nga karakter ni Chynna.

“Tangi Kong Hiling”

Ang awit ni Julie Anne San Jose nga “Tangi Kong Hiling” maoy gihimong theme song sa pantaserye nila ni Heart Evangelista ug Dennis Trillo sa GMA-7   nga “Dwarfina.

Biggest Loser gipangandaman ni Shawie

Si Sharon Cuneta maoy bag-ong image model sa Marie France ug giingong kabahin kini sa preparasyon sa mega star alang sa iyang pag-host sa reality show sa ABS-CBN nga "Biggest Loser”.

Adam naghubo aron makatabang

Mapunta sa charitable institution   ang kita sa paghubo sa   vocalist sa Maroon 5 nga si Adam Levine sa Cosmopolitan Magazine –February 2011 issue.

Agimat lig-on gyud!

Gikatahong miabot ngadto sa P159 million ang kita sa pelikulang “Si Agimat at Si Enteng Kabisote” busa nagpabilin gihapon kini nga numero uno sa Metro Manila Film Festival 2010.