Juday empleyado na ni Sharon

CEBU, Philippines - Contributor na si Judy Ann Santos sa Sharon At Home Magazine ni Megastar Sharon Cuneta sugod karong buwana. “Simple Lang” ang title sa column ni Juday nga magtuki kabahin sa iyang pagka-inahan ug pagka-asawa.

Ginoo ang magbuot

Ang Ginoo na lay magbuot kun ugaling hatagan sila og anak ni Ogie Alcasid. Kini maoy baruganan sa 40 anyos nga si Regine Velasquez-Alcasid, kinsa miingon nga kun naa, maayo ug kun wala, okay lang.

Oyo ug Kristine anakan na?

Dunay tsismis naligas matud pa ang dila ni Vic Sotto atol sa usa ka interview ug mibutyag nga duna nay usa ka tuig nga anak lalaki sila si Kristine Hermosa ug Oyo Boy Sotto nga ubos sa pag-atiman ni Dina Bonnevie.

Sarah out, Jovit in?

Kung ang beteranang showbiz radio commentator ug kolumnista nga si Tita Swarding ang pangutan-on, dili na matud pa kaayo sikat si Sarah Geronimo didto sa Manila. Si Jovit Baldivino na ang in.

Sharon nangluod ni Ogie ug Regine

Ang tsika ni Tita Swarding kagahapon atol sa OkRyan sa dyRC 648 kHz, dinhi ra sa kaulohan nagpahayahay si Sharon Cuneta atol sa kasal nila ni Regine Velasquez ug Ogie Alcasid ug dili tinuod nga mi-abroad kini. Nangluod matud pa si Sharon sa magtiayon.

Charice mubalik na sa Glee

Sa February 6, Super Bowl episode gikatahong subling mulugwa ang international singing sensation nga si Charice sa Glee, diin kantahon niya ang “Meet Me Halfway” sa Black Eyed Peas. Giingon kini matud pa maoy labing mahal nga post-Bowl show sa kasaysayan. Ang maong episode magtangag pud matud pa og cover songs nga ila ni Michael Jackson, Katy Perry, Lady Antebellum, ug Destiny’s Child.

Dennis na-challenge sa iyang role sa Dwarfina

Giisip ni Dennis Trillo nga dakong hagit alang niya ang iyang role sa umaabot nga pantaserye, ang Dwarfina.

“Hindi nga ako dwarf, pero madalas ang kaeksena ko ay kawalan lang... Madalas wala talaga akong kaeksena talaga.

“So, nag-i-imagine lang ako na nandiyan siya kaya siguro ‘yon yung pinakamalaking challenge sa akin nito—umarte na kunwari may kausap ako,” nagkanayon si Dennis atol sa grand launching niadtong Miyerkules sa gabii.

Si Dennis maoy leading man ni Heart Evangelista kinsa maoy bida niining maong serye nga magsugod na karong Lunes, January 10.

Si Dennis mao si Lyndon, kinsa nahimugso ngadto sa usa ka adunahan nga pamilya apan napurdoy human nabangkaruta ang negosyo sa iyang mga ginikanan.

Mahimo niyang hinigugma ang iyang childhood friend nga si Yna (Heart) nga usa ka duwende.

Richard movie sigurado na

Dirediretso na ang shooting sa Valentine trilogy movie ni Richard Gutierrez. Suma pa sa PEP tulo ang direktor niini: Chris Martinez para sa episode nila ni Eugene Domingo; Dominic Zapata sa ilaha ni Rhian Ramos; ug Andoy Ranay sa episode diin makauban niya sila si Lovi Poe ug Solenn Heussaff.

Andi na-ospital!

Nalandig sa emergency room sa usa ka tambalanan didto sa Bagiuo si Andi Eigenman niadtong Miyerkoues sa hapon human kini mag-hyperventilate sa taping sa “Minsan Lang Kita Iibigin” didto sa maong dapit. Naning matud pa kaayo si Andi sa iyang eksena diin nagdagan siya nga may gidala nga bug-at nga military bag ug tinuod nga M-16 rifle. Nakalitan ang iyang lawas sa maong “military training” scene. Hinuon, nakabalik na siya sa taping kagahapon.