Anak ni ALBERT dapat pagsabihan!
Gerald Santos survives. Ito ang singer at hindi ang aktor bagama’t kasama sa plano ng singer ang mag-branch out sa acting simula ngayong 2011. Hindi naman siguro siya mahihirapan dahil may hitsura naman siya at ang pagkanta naman ay hindi nalalayo sa pag-arte. Umaarte rin ang singer kapag kumakanta siya.
* * *
Nakikiramay ako sa maagang pagyao ng isang miyembro ng Baywalk Bodies na si Rejoice Rivera. Dasal ko rin ang maagang pagkakalutas ng kanyang kaso para mabigyan naman ng hustisya ang kanyang pagkamatay. Natagpuan itong patay sa NLEX sa Guiguinto, Bulacan, nung madaling araw ng Dec. 29. Namatay ito sa tama ng baril sa kanyang sentido.
* * *
Foul naman ang ginawa ng anak ni Albert Martinez kay Direk Wenn Deramas. May grupo na pumili at bumoto sa kanya bilang best director. If Albert’s son cannot be a good loser, at least he could have remained silent and let his father do his own battle. Sabihan mo nga ang anak mo. Siguro naman sa edad nila nasabi na sa mga anak mo na it’s not all roses sa mundo ng showbiz. Mas marami ang heartaches.
* * *
Malaking kawalan sa Party Pilipinas sina Regine Velasquez at Ogie Alcasid. Hinahanap sila ng mga manonood. On leave ang dalawa matapos ang kanilang wedding nung late December. Hindi ganun kasaya ang opening number ng Sunday variety show kumpara sa ASAP XV na ang kuwento sa akin, malalaking pangalan ang nagsasayaw dito. Talagang kita raw na pinaghahandaan nila ang dance number nila, praktisadung-praktisado.
Pero sa aminin o hindi, hindi pahuhuli sa Party Pilipinas ang dance number ni Mark Herras. Parang talagang isinilang ang batang ito with a pair of dancing feet.
* * *
Sa mga ipinalalabas na trailers ng GMA 7 para sa mga bago nitong palabas, interesting ang trailer ng I Heart U Pare, parang kakaiba sa mga ginawa na nina Regine Velasquez at Dingdong Dantes in the past. Sana nga mahawakan ng serye ang interes ng mga manonood hanggang sa magsimula at matapos ang serye.
’Yung Dwarfina, gustung- gusto ng mga bata. Ang ganda ng effects, aakalain mo talaga na lumiit nga si Heart Evangelista. At bagay sila ni Dennis Trillo. Mukhang maganda ang chemistry nila.
Kakaiba rin ’yung Amaya ni Marian Rivera. Sana mapangatawanan ni Marian ang gagawin niyang mga action scenes. Bagay sa kanya ang role at maski na ang costume niya. Kailangan lamang maging credible siya sa kanyang role at makita ng mga manonood na madadala niya ang mga action scenes niya. Kung sabagay, magaling naman siyang artista. Baka gulatin pa niya tayo at mamaniin lamang ang mga eksena niya.
- Latest
