Asianovela Moments the year that was

CEBU, Philippines - Pipila ka mga Asianovela ang misikat sa Pilipinas sa tuig 2010 nga ginuntan gayud ang matag anib sa mga Pinoy. Gani tataw na kaayo nga dunay ubang mga Pinoy ang musundog na sa fashion style sa mga Koreans ug Taiwanese, basi usab sa ilang mga nakita sa mga Asianovela.

Ubay-ubay nga mga chinenovela ang napasalida sa Pilipinas 2010 apan mao kini ang napilian sa Banat Hugyaw nga maisip nga labing giistoryahan sa mga Pinoy.

Queen Seon Deok - Nahimong nominado sa Seoul International Drama Awards ug pipila ka buwan nga gi-ere sa GMA-7. Naghisgot sa mga kaagi ni Deokman (Lee Yo Won) nga nakasinati og daghang pagsuway aron hingpit niya nga maluwas ang Silla, ang lugar nga dugay na nga giampingan sa iyang mga ginikanan sa daghang mga katuigan. Kanunay usab nga gisumsuman sa maong serye ang kontrabida sa kinabuhi ni Deokman nga si Lady Mishill (Ko Hyun Jung ). Gawas sa mga giyera nga masaksihan sa maong serye, daghan usab ang nakilig sa love story nila ni Deokman ug Bidam (Park Ji Bin ). Gumikan sa maong programa, nauso dinhi sa Pilipinas ang expression nga “Warang,” ang mga tawo nga nanalipod sa mga kalihukan sa rayna.

Perfect Match - Kulbahinam nga love story nila ni Lee Min Ho (Boys Over Flowers star) ug ang giila nga Korea’s Queen of Drama nga si Son Ye Jin ang masaksihan sa Perfect Match. Masulub-on ang kinabuhi ni Julienne human gibiyaan sa iyang uyab sulod sa napulo ka tuig hangtud miabot sa iyang kinabuhi si Gino nga maoy makapaalim sa samaran niya nga kasingkasing.

Down With Love - Mitatak usab sa huna-huna sa mga Pinoy ang istorya sa gugma   nila ni Jerry Yan ug Ella Chan nga mga bida sa Taiwanese series sa ABS-CBN nga Down With Love. Si Elvin (Jerry) kinsa nailhan kaniadto sa seryeng Meteor Garden midala sa papel nga abogado hangtud na-develop sa iyang katabang nga si Malou (Ella). Gitagoan ni Elvin ang iyang feelings ngadto kang Malou apan sama sa naandan, madiskubrihan ra gyud sa dili madugay ang espesyal nga pagbati nila sa usa’g-usa.

East of Eden - Istorya sa pagpanimalos ni Alfred sa mga tawo nga miguba sa iyang kinabuhi . Minindot usab ang istorya sa dihang nakaplagan niya ang iyang hinigugma nga si Grace. Nabihag niya ang kasingkasing sa dalaga bisan paman sa kalayo sa istado nila sa usa’g-usa

Temptation of Wife - Ang gubot nga    relasyon sa magtiayong Angeline Goo (Jang Seo Hee ) ug Marcel Jung (Byun Wbyuin) human misulod sa eksena ang mujer nga si Heide Shin (Kim Seo Hyung).   Milikay si Angeline sa paet niya nga kaagi ubos sa pamilya ni Marcel apan naabot ang panahon nga manimalos siya ni Heide nga maoy usa sa nakahatag niya og bug-at nga depresyon.