Richard at Jewel nagkita sa simbahan
Kahit break na, friends pa rin sina Richard Gutierrez at Jewel Mische at nagsisimba pa rin ang actor sa Cathedral of Praise at si Jewel ang nagdala sa kanya. May nag-tweet na nakita ang dalawa noong December 24 sa COP Manila sa Candlelight Communion at second year na nilang nakasama sina Richard at Jewel.
Na-forward din sa amin ang the same tweet, pero hindi malinaw kung magkasabay bang dumating sa COP sina Richard at Jewel o nagkanya-kanya ng dating. Kulang din ang tsika dahil hindi binanggit kung nag-usap ba ang dalawa after at kung sabay umuwi.
Sabagay, nabanggit ni Richard sa isang interview na may communication pa rin sila ni Jewel at nagkukumustahan once in awhile, kaya hindi kataka-taka kung magkasama man silang nagsimba sa COP.
* * *
Nagkasalisi sa Hong Kong ang magkapareha sa Dwarfina na sina Heart Evangelista at Dennis Trillo. Naunang pumunta sa HK si Heart kasama ang BF na si Daniel Matsunaga at ang parents at brother nito na
dumaan muna ru’n bago bumalik sa Brazil.
Two days sa HK ang parents ni Daniel na tiyak tuwang-tuwa dahil inihatid sila ng kanilang future daughter-in-law sa HK.
Umalis naman sina Dennis at GF nitong si Jennylyn Mercado at ilang relatives for HK after the MMFF Awards Night. Babalik sila bago mag-New Year dahil mas gusto nilang dito mag-Bagong Taon.
After New Year, balik sa pagti-taping ng Dwarfina sina Heart at Dennis dahil January 10, 2011 na raw ang pilot nito at papalit sa Grazilda. Kaya pala panay-panay na ang pagpapalabas ng teaser ng GMA 7 at marami ang naku-curious kung paano mag-iibigan ang duwendeng si Dwarfina (Heart) at ang mortal na si Lyndo (Dennis).
Nabanggit na ni Daniel na hindi problema at ‘di siya magseselos kung may kissing scene sina Heart at Dennis at ganun din ang pahayag ni Jennylyn.
* * *
May next project na si Jean Garcia after makapagpahinga ng ilang weeks pagkatapos ng Ilumina. Kasama siya sa cast ng Alakdana at gaganap na ina ni Louise delos Reyes. Nakapag-storycon na, pero wala pa yatang taping schedule.
Freelancer si Jean, wala siyang exclusive contract sa kahit anong network, pero sa GMA 7 daw muna siya’t hindi naman siya pinababayaan at sunud-sunod ang kanyang project. Gusto rin niya ang mga project na ibinibigay sa kanya na iba’t iba at natsa-challenge siya.
Natawa kami sa reaction ni Jean nang tanungin kung totoong mag-a-active sa showbiz ang ex niyang si Jigo Garcia. Parang hindi ito makapaniwala at ang manager niyang si Manny Valera pa ang kinuhang manager. Ibig sabihin, pareho ang manager nilang ‘mag-anak’ at puwede silang magsama-sama sa isang project.
Hindi na namin isinulat ang reaction ni Jean at baka seryosohin ni Jigo, mag-away pa sila, maganda pa naman daw ang relasyon nilang dalawa ngayon.
- Latest
