Bobby Nalzaro tugtan ni Mike Enriquez nga mobalhin sa TV 5
CEBU, Philippines - Musugot ang kadagkuan sa GMA-7 nga mobalhin sa nataran sa TV 5 si tri-media personality Bobby Nalzaro basta dili niya biyaan ang dySS. Kini maoy istorya nga migawas atol sa Christmas party sa 99.5 RT Nindota Ah diha sa Ecotech niadtong Sabado sa gabii.
Kasaligan kaayong tinubdan sa Banat News Hugyaw mitug-an nga mismong si Vice President for Operation Mike Enriquez ang mipasalig kang Nalzaro nga tugtan siya nga mag-anchor sa flagship newscast unya sa TV 5-Cebu basta magpabilin siya sa dySS. Nasayran nga sa second quarter pa sa 2011 ang full blast operation sa TV 5 dinhi sa Sugbo ug matud pa sa laing tinubdan, desidido gyud ang Kapatid Network nga kuhaon si Nalzaro.
Laing tinubdan ang nagkanayon nga napangulbaan na gyud ang Balitang Bisdak news team basin unsay mahitabo nila kun muhukom si Nalzaro nga mulayat paingon sa TV 5.
Misamot ang kabalaka sa mga staff human wa gyud gihapon mo-renew sa iyang kontrata si Nalzaro sa GMA-7. Niadtong December 1 pa unta siya gihatagan og bag-ong kontrata apan wala gyud siya mupirma. Sa December 31, 2010 mapupos ang kontrata ni Nalzaro sa GMA-7.
- Latest
