Angel, magbibigay ng X-mas party sa fans
Mahal na mahal si Angel Locsin ng kanyang loyal fans. Kaya naman kasa-kasama niya ito hanggang sa kanyang mga ginagawa lalo na sa pagtulong sa mga kapuspalad.
Marunong magpahalaga sa kanyang mga fans ang magandang aktres kaya naman bibigyan niya ng Christmas party ang mga ito sa December 23 sa Fuel Up Karaoke and Resto Bar na pag-aari ni Angel.
* * *
Anak ang turing ni Wilson Tieng sa pamangking si Congressman Irwin Tieng na isa nang matagumpay na mambabatas. Palibhasa mahal ni Wilson ang movie industry bilang prodyuser kaya natutuwa ito dahil kasangga ang anak-anakang si Irwin para masugpo ang film piracy na siyang pumapatay sa pelikulang Tagalog.
May Pamaskong regalo na naman si Congressman Irwin ng Buhay Partylist sa showbiz - ipinakita na naman niya ang pagmamalasakit sa local concert producers kung saan bumaba na ngayon ang babayaran nilang tax dahil sa ipinasa niyang bill. Sa ganitong paraan, mas maraming talento ang aktibo ulit sa pelikula at entablado.
* * *
Gandang-ganda kami kay Marian Rivera nang magbigay ito ng Christmas Party sa entertainment press noong Miyerkules.
Excited na ito sa Parade of the Stars ng MMFF dahil isa sa pambatong float ang Super Inday and the Golden Bibe.
Inamin nito na kung ang ibang aktres ay miyembro ng Samahan ng Malamig ang Pasko, kumukulo naman ang kanyang Kapaskuhan dahil walang pagbabago sa kanilang pagmamahalan ni Dingdong Dantes at sa pagdaan ng mga araw ay lalong tumitibay ang kanilang relasyon.
- Latest
