Alfred pasok sa Mutya

CEBU, Philippines - Malakip diay unta si Alfred Vargas sa   upcoming series ni Marian Rivera sa GMA-7 nga “Amaya” apan gibalibaran kini sa aktor gumikan kay gipili niini ang tanyag sa pikas network nga ABS-CBN nga mahimong kabahin sa teleseryeng “Mutya”.

Zanjoe naanad na sa intriga

Gipili karon ni Zanjoe Marudo nga magpakahilom kalabot sa pagkalambigit sa iyang pangalan ngadto sa nagkadaiyang aktres nga sila si Cristine Reyes, Bea Alonzo ug Bianca Manalo. Matud pa niya nga naanad na siya niini busa kever lang siya kung makasugat siya og mga intriga.

Alex mag-adjust gyud

Aminadto si Alex Gonzaga nga kinahanglan siya nga mag-adjust sa seryeng ‘Babaeng Hampaslupa’ sa TV 5 gumikan kay gikan sa iyang pagka-komedyante, usa na siya karon ka dramatic actress. Sugdan ang maong serye sa first quarter sunod tuig.

Pokwang mipasigarbo sa iyang costume

Mapasigarbohong gipahibalo ni Pokwang nga sexy kaayo ang iyang costume sa pelikulang Super Inday nga gibidahan ni Marian Rivera. Suma pa niya nga klaro kaayo ang iyang dughan niini busa seguradong mapansin kini sa mga viewers. 

“Dad” na si Dingdong

Gusto ni Marian Rivera nga simple lang ang pag-selebrar nila ni Dingdong Dantes sa umaabot nga Pasko   basta ang importante nga magkauban sila sa maong espesyal nga adlaw. Samtang “Dad” maoy itawag kanunay ni Marian ngadto kang Dingdong. Dugang pa sa aktres nga bisan sa ka-busy nila ni Dingdong , mangita gyud sila og paagi nga magkakita silang duha matag adlaw.

The Godfather tema sa birthday ni Pacman

Usa ka engrandeng selebrasyon ang giandam ni Manny Pacquaio sa iyang 32nd birthday karong December 17 . Ang iyang asawa nga si Jinkee maoy nangunay karon sa pag-preparar niini ug mibutyag nga ang pelikula nga The Godfather maoy tema sa birthday party ni Pacman. Ang maong pelilkula misikat niadtong 1972 ug kini gibidahan nila ni Al Pacino ug Marlon Brando.

Pagkasakit ni Queenie giintriga

Nadala sa tambalanan ang Kapamilya actress nga si Queenie Padilla sa miaging adlaw gumikan sa grabeng stress. Gihimakak sa aktres ang report nga matud pa nga nasakit siya gumikan sa diet pills."Sobrang stressed ko po, stress, and parang yung immune system ko, very weak, tapos kumain pa ako ng bawal. So, sumabay pa yung pagod," nagkanayon si Queenie.

Iwa napungot sa intriga

Human sa kapin sa duha ka buwan nga nawala sa showbiz, subling gibanhaw ni Iwa Motto ang iyang career pinaagi sa fantaseryeng Dwarfina kung diin siya maoy modala isip kontrabida sa kinabuhi nila ni Heart Evangelista ug Dennis Trillo.Samtang napungot na si Iwa sa walay hunong nga isyu batok kaniya ug usa niini nga matud pa nagsabak siya. "Limang taon na rin po akong natsitsismis na buntis, limang taon na rin po akong natsitsismis na drug addict.Uulitin ko, hindi po ako kasal, hindi po ako buntis,” suma pa sa aktres.

Inside My Heart

Gilusad na sa GMA Records ang album ni Fren¬cheska Farr nga Inside My Heart . Gi-compose nila ni Vehnee Saturno, Rebel Magdagasang, ug Agatha Oba ang pipila sa unod sa maong album. Nalakip sa maong album ang career single niya nga Today I’ll See the Sun.

“Go Away” numero uno sa MYX

Ang awit nga “Go Away”, sa 2NE1 maoy kasamtangang nahimutang sa number one spot sa MYX International Top 20 . Ang maong awit maoy usa sa mga sulod sa ilang album nga nag-ulohan og “To Anyone”.Ang maong grupo misikat sa miaging tuig dinhi sa Pilipinas gumikan sa awit nila nga “ Fire” ug I Don’t Care ug kini gibitounan nila ni CL, Dara (Sandara Park), Bom ug Minzy.