TESDA Director General guests on Life and Style
MANILA, Philippines - Sa unang pagkakatao’y mapapanood ang bagong Technical Education and Skills Development Authority or TESDA Director General Joel Villanueva sa Life and Style with Gandang Ricky Reyes.
Tiyak na matutuwa kayo dahil sasabihin ni D.G.Joel kung ano ang mga plano nila sa organisasyon na ang hangad ay magsanay ng mga iskolar at ihanap ang mga ito ng mapapasukan dito at sa ibang bansa. “Nakalulungkot ngang binawasan ni Pres. Noynoy Aquino ang budget ng TESDA. Nangako naman siyang aayusin ito para marami kaming mapagtapos na mga mahihirap na iskolar,” sabi ni Bro. Joel.
Sa interbyu ng host-producer na si Mader Ricky sa TESDA head ay malalaman natin ang mga plano niya para sa organisasyon sa taong papasok.
May panayam din sa ilang TESDA scholar na nagtiyaga at ngayo’y malalaki na ang suweldo sa mga pinapasukan at ang iba nama’y nakapagtayo na ng sariling negosyo.
“Dapat tularan ang masisipag at matitiyagang kababayang nakakuha ng kaalaman mula sa TESDA. Daig pa nga nila ang ibang nagtapos ng four year course pero istambay at walang mapasukang trabaho,” sabi naman ni Mother Ricky.
Sa Great Hair Day ay si Julia Lopez ang magiging co-host sa LWRR na umeere tuwing Linggo alas- diyes hanggang alas onse ng umaga sa QTV-11.
- Latest
