Kris ug James nasakpang "naggakos!"

CEBU, Philippines - Ang likod sa basketbolistang si James Yap ang gigamit isip double sa additional scenes nila ni Diether Ocampo ug Kris Aquino para sa pelikulang Dalaw, nga ilang gihimo niadtong milabay nga adlaw.

Matud ni Kris, ang eksena mao nga ipakita siya nga mugakos ni Diether nga bana niya sa pelikula, busa back sa aktor ug front niya ang gikinahanglan nga shoots. Pero kay tua man sa Australia si Diet, misugot si James nga iyang likod maoy ipakita sa eksena.

“I’m expressing my sincere gratitude to James, bimby’s dad. He agreed to be the body double for me to embrace. I know, it’s a crazy world & film-making is really the most torture. But I guess may napagsamahan kaming okay ni James that’s y he said yes to do this for me,” nagkanayon si Kris sa iyang Twitter account niadtong Lunes.

Samtang karong Biyernes, muabot sa Sugbo si Kris aron i-promote ang mao niyang pelikula nga ubos sa Star Cinema ug entry sa Metro Manila Film Festival.

Zaijan naghinamhinam na sa RPG!

Nibisita sa Sugbu ang child wonder nga si Zaijan Jaranilla nga mas nailhan isip Santino aron i-promote ang gibidahang salida nga RPG Metanoia nga usa sa tulo ka official entries sa Star Cinema, kauban sa Ambient Media alang sa umaabot Metro Manila Film Festival.

Sa gipahigayon nga presscon gipadayag ni Zaijan ang iyang kalipay nga siya maoy naghatag og tingog sa character nga si Nico, bida sa maong anime.

Ang RPG Metanoia estorya sa usa ka bata, nga nabuang og maayo og computer games.

Ang hunahuna likod niining maong pelikula mibutyag nga ang RPG bunga sa lima ka tuig nga paningkamot nga makagama og pulido nga mga eksena, sanglit kini ang labing unang 3D animated film sa Pilipinas. Matud pa nga mas lisud ang animated film kay nanginahanglan kini og taas nga panahon.

Malipayon ug mapasigarbuhon si Zaijan nga siya maoy napili nga muhatag og tingog sa bida tungod kay niya pa maka-relate siya sa character ni Nico tungod kay siya mismo ganahan kaayo og computer games. Dili na bag-o para ni Zaijan ang mag-dub sanglit nakasuway naman siya niini isip ang tingog ni Otep sa teleserye nga Agua Bendita.

Samtang masaligon ang Star Cinema nga mauyunan sa publiko ang maong salida sanglit dili man kini para lang sa mga bata, kundili hasta na sa pamilya ug tibuok barkada.

Lakip sa mga artista nga mihatag og tingog sa ubang characters sila si Mika dela Cruz, Eugene Domingo, Vhong Navarro ug Aga Mulach.

Ang RPG Metanoia, sama sa ubang festival entries, mubukas sa mga sinehan lukop nasud karong December 25. Jamaima Albeos

Gerald mitikang sa GenSan

Milupad si Gerald Anderson paingon sa General Santos City kagahapon sa buntag alang sa usa ka charity event ugma ug sa Biyernes.

Fabio nayayay

Wala makatunga ang Brazilian model/host nga si Fabio Ide sa usa niya ka commitment sa miaging adlaw gumikan kay naglain ang iyang lawas ug gisubaw siya og maayo.

Kapamilyang Jewel

Karong adlawa, December 6, pormal nga mupirma og kontrata si Jewel Mische sa Star Magic.

Gipahilom na

Gidid-an na sa   Makati City Court sila si Kris Aquino ug James Yap nga mohisgot ngadto sa publiko kalabot sa ilang annulment case .

Mr.Fu dunay album

Mapasigarbohong gipadayag ni Mr. Fu nga duna na siya’y album nga nag-ulohan og ‘Wow I Lahveet” ug usa sa mga unod niini mao ang orihinal niya nga awit, ang “Wow “Megano’n”.

Dingdong motambong sa ATA

Ugma sa buntag mularga si Dingdong Dantes paingon sa Singapore alang sa 15th Asian Television Awards, diin nominado siya isip Best Drama Actor para sa “Stairway To Heaven.” Mga aktor gikan sa Taiwan, Malaysia, China, ug Hong Kong. Presenter pud siya og award sa maong kalihukan nga ipahigayon sa Pan Pacific Hotel ugma sa gabii.

Christian: Dili ko pilian!

Gihimakak ni Christian Bautista ang isyu nga matud pa nga pilian siya nga klase nga pagkatawo hinungdan nga wala pa kini nakakita og laing babaye human sa ilang break-up ni Rachelle Ann Go. Samtang si Rachelle nakakita na og lain ug nakig-buwag na gani ni Gab Valenciano ug karun exclusively dating na sila ni John Pratts. Matud pa ni Christian nga busy lang gyud siya maong wala kaayo siya’y oras alang sa maong butang .Hinuon andam na siya makabaton og uyab sunod tuig.

Lloydie dili pa andam magminyo

Dili pa andam si John Lloyd Cruz nga mag-minyo karong panahona bisan nagpangedaron na siya karon og 27. Matud pa sa aktor nga kinahanglan nga financially stable siya sa dili pa mosulod sa maong butang. Target ni Lloydie nga magminyo kung mag-edad na siya og 33 hangtud sa 35 anyos. Pagka-karon, kontento na ang aktor sa relasyon nila ni Shaina Magdayao. Jamaima ALbeos USJ-R