Kim ipinaubaya na ni Gerald kay Piolo
Matunog na ngayon ang balitang pagsasamahan na project nina Piolo Pascual at Kim Chiu. Nangangahulugan ba na hindi na nga gagawa ng pelikula sina Kim at Gerald Anderson? Ano ang reaksiyon ni Gerald nang malamang si Piolo na ang makakasama ni Kim? “Yeah! It’s a great opportunity for Kim also siyempre si Piolo Pascual ‘yun eh. It’s a great opportunity na gumawa ng movie na ‘yun para sa growth namin,” makahulugang pahayag ni Gerald.
Ipinagpaalam din pala ni Piolo kay Gerald ang pagsasama nila ni Kim para sa gagawin nilang project. “She’s been with Gerald for the longest time and I even made paalam kay Ge and ako naman I just love to be working with different people and Kim is one talented young actress. It’s gonna be a privilege for me to work with her and alam kong magaling siya at alam kong mag-e-enjoy kaming magtrabaho,” kuwento naman ni Piolo.
Paano kaya ang ginawang approach ni Piolo kay Gerald para magpaalam? “Nagpaalam siya sa akin. Nasa London kami, nasa eroplano kami noon. Siyempre out of respect gagawin talaga ng isang lalaki ‘yun. I respect him for that,” nakangiting pagtatapos naman ni Gerald.
RPG inabot ng ilang taon
Ilang taon din ang inabot sa paggawa ng pelikulang RPG Metanoia. Isa ito sa tatlong pelikula ng Star Cinema na kasali sa Metro Manila Film Festival sa darating na kapaskuhan. Ambient Media ang katuwang ng Star Cinema to make this project possible.
Ito ang kauna-unahang 3D animation na gawa rito sa Pilipinas at malalaking artista rin ang nagboses para sa nasabing pelikula.
Labis ang tuwang nararamdaman ngayon ni Zaijian Jaranilla dahil naging bahagi siya ng project na ito, kakaibang experience din ito para sa kanya. “Masayang-masaya po kami na ipapalabas na ‘yung pelikula namin sa Pasko. Masayang-masaya po ako kapag nagda-dub kami,” kuwento ni Zaijian.
Naibahagi rin ni Zaijian ang ilang plano niya para sa Pasko kagaya na lamang ng kung ano ang balak niyang ibigay sa co-star niyang si Xyriel Manabat. “Baby alive, ay! Meron na pala siya! ‘Yun daw ang gusto niya baby alive eh, nakabili na raw sila,” natatawang dagdag pa ng child wonder.
- Latest
