Cast ng Kokey..., malungkot
MANILA, Philippines - Matatapos na ang fantaserye ng ABS-CBN na Kokey@Ako ngayong linggo at ngayon pa lang ay hindi maitago ng lead stars nito ang pagka-miss sa programa.
“Pinakamami-miss ko si Direk Wenn (Deramas), si Direk Ricky, ang Melason, silang lahat kasi na-enjoy ko ang company nila during shoot, during tambay moment sa dressing room habang hinihintay ‘yung next take. Mami-miss ko rin ang pagganap ko bilang Jackie dahil natural at totoo ang karakter niya,” pahayag ni Toni Gonzaga.
Kung nami-miss ni Toni ang mga katrabaho sa set, mga eksena in between takes naman ang mami-miss ng kanyang on-screen partner at Prince of Comedy na si Vhong Navarro.
“Mami-miss ko ‘yung mga biruan, ‘yung mga paglalaro namin sa mga boses nina Kokey at Kekay, ‘yung panggagaya namin sa kanila. ‘Yung mga harutan, adliban, ‘yung patapos na eksena hahabol pa ng punchline,” sabi naman ni Vhong.
Iba naman ang epekto ng pagtatapos ng programa sa reel at real life couple na sina Melai Cantiveros at Jason Francisco dahil habambuhay nilang babaunin ang mga natutunan sa lahat ng nakasama at nakatrabaho sa Kokey@Ako.”
“Natutunan ko ‘yung professionalism kasi sina kuya Vhong at Ate Toni, kahit malaking artista na sila, hindi mo sila makikitaan ng pag-iinarte sa trabaho. Inaaral nila ‘yung script, ‘yung character, iniintindi nila ‘yung instructions,” pagbabahagi ng magka-loveteam.
- Latest
