Labing Bag-ong Prinsesa

CEBU, Philippines - Human sa tulo ka tuig, hingpit na gyud nga naangkon ni Jessy Mendiola ang iyang labing dako nga break sa telebisyon pinaagi sa umaabot niyang teleserye, Sabel.

Gumikan niini, gitandi na siya karon ngadto sa kasamtangang mga prinsesa sa ABS-CBN nga sila si Empress, Erich Gonzales ug Empress.

“I’m very thankful lang na nasali ako sa ganoong league na sobrang magaganda and very talented actresses,” nagkanayon si Jessy ngadto kang KC Concepcion sa The Buzz niadtong Domingo sa hapon. “And me, myself hindi ko ine-expect na masasali ako sa ganon, so nagpapasalamat lang ako. Sobrang saya ko po na binigyan ako ng opportunity na ganito.

Una siyang nakit-an sa publiko sa Star Magic Presents : Abt Ur Luv Ur Lyf 2 niadtong 2007, apan sa milabay nga tuig lang gyud siya hingpit nga nahatagan og pagtagad, human siya nahimong leading lady ni Coco Martin sa Kung Tayo’y Magkakalayo.

Nahimugso siya sa United Arab Emirates niadtong December 3, 1992. British-Lebanese ang iyang amahan ug Pilipina ang iyang mama. Ikaduha siya sa tulo ka magsuon ug tres anyos siya dihang nakigbuwag ang iyang inahan sa iyang amahan ug gidala sila sa iyang inahan dinhi sa Pilipinas.

Apan nagbalik ang iyang mga ginikanan human miapas ang iyang amahan dinhi, hinungdan nga nasundan siya og manghod nga babaye. Pero nagbuwag ra gihapon ang iyang mga ginikanan. Hinuon pabilin nga dunay komunikasyon siya ug ang iyang papa nga tua na karon sa gawas sa nasud.

Siya ug ang iyang ate mitapos og elementary ug high school sa Our Lady of Mercy School sa Quezon, City.

Samtang ang Sabel, TV adaptation sa pelikulang “Bata Pa Si Sabel” nga maoy nagpasikat kang Snooky Serna kaniadto. Sila si AJ Perez ug Joseph Marco ang mga leading men ni Jessy sa Sabel, ug maoy muhatag og kinabuhi sa papel nila ni Albert Martinez ug Joel Alano sa pelikula kaniadto.

Suportado si Jessy nila ni Tonton Gutierrez, Glydel Mercado, Rita Avila ug Raymond Bagatsing, diin gitakda nga magsugod ang maong serye karong December 6, sa primetime bida hulip sa Kokey@Ako.

Samtang sila si Jessy ug Jason Abalos ang umaabot nga celebrity guests sa Gaisano Main ug Country Mall karong December 18, alang sa first draw sa “ A Million Thanks Promo.”