Nanay ni Sarah nagiging abala sa pagpi-picture!

Seen : In God’s time. In God’s perfect timing ang consistent reply ni Piolo Pascual sa marriage question sa kanya.

Scene : Ang ABS-CBN ang pinarangalan na Best TV Station ng Golden Dove Awards ng Kapisanan ng mga Brodkaster sa Pilipinas sa awards night na ginanap sa Tagaytay City noong Huwebes.

Seen : Hindi nominado at hindi mananalo sa Golden Dove Awards ang mga programa ng GMA 7 dahil noong 2003 pa nag-withdraw ng membership sa KBP ang Kapuso network.

Scene : Hindi na gaanong nagbabantay sa mga lakad ni Sarah Geronimo ang kanyang ina. Abala na rin si Divine Geronimo sa pagkuha ng mga litrato, gamit ang kanyang SLR camera.

Seen : Loveless ngayon ang Viva Group of Companies big boss Vic del Rosario kaya nakatutok ang kanyang atensiyon sa trabaho.

Scene : Na-offend si Batangas Governor Vilma Santos para kay Nora Aunor sa balita na kailangan ng pamasahe ng kanyang arch rival upang makauwi ng Pilipinas.

Seen : Si Anuradha Koirala ng Maiti Nepal ang bagong hirang na CNN Hero of the Year. Si Anuradha ang successor ni Efren Peñaflorida, Jr.

Scene : Napapanood sa Crime & Investigation Channel ang kuwento sa struggle ng mag-asawang Martin at Gracia Burnham, ang American missionaries na kinidnap ng Abu Sayyaf noong 2001.