Jericho malamig ang Pasko!
Kamakailan ay napabalitang nag-break na raw ang magkasintahang sina Jericho Rosales at Cesca Litton.
Hanggang ngayon ay hindi pa rin nagbibigay ng detalye ang dalawa tungkol sa kanilang paghihiwalay. Nakausap namin para sa SNN (Showbiz News Ngayon) si Jericho, maari raw siyang makasali sa SMC o samahang malamig ang Christmas. “Puwede n’yo akong isali diyan! Para maging warm ang Pasko ay kantahan ko na lang kayo,” nakangiting bungad ni Echo.
“Honestly, medyo malungkot pero okay lang, nandiyan naman ang family, ‘yung mga mahal ko sa buhay. I’m sure maaayos din yun, malalagay din sa puwesto ang mga bagay,” makahulugang dagdag pa ng aktor.
Na-link din dati si Jericho kay Andi Eigenmann at ito ang sinasabing dahilan daw ng break-up nina Cesca at Echo. Ngayon ay isang Andi na naman ang nali-link sa binata, ang host at DJ (disk jockey) na si Andi Manzano. “I-clear ko lang, hindi kami nagde-date ni Andi. Kamag-anak siya ng Valencianos so pinsan siya ni Gab. Barkada, so nasa isang grupo lang kami plus kapitbahay ko si Andi, nagkikita talaga kami pero normal lang,” paglilinaw ni Jericho.
“Kapitbahay ko rin si Andi Eigenmann, dami kong kapitbahay, lahat ng kapitbahay ko ay ide-date ko na,” pagbibiro pa ng binata.
Mayroong mensahe si Echo para kay Cesca for Christmas. “All the best for Check, all the best ‘di lang sa work niya, sa family niya. For them to have a very beautiful Christmas, filled with love and laughter so ‘yun. I’m hoping someday, we’ll be okay. We’re okay naman, one I’m sure ay mag-uusap din kami,” pagtatapos pa ni Echo.
Star Circle Quest, magbabalik na
The magic continues dahil magbabalik na ang Star Circle Quest Search for the next kiddie superstars ang season na ito. Maganda ang konsepto ng show dahil ngayon ay hindi lamang isa ang kukuning grand winner kundi dalawa, isang babae at isang lalake.
Kung mayroon kayong kilalang bata na may edad na 5 to 8 years old at nais sumali sa SCQ, magkakaroon ng auditions bukas, sa Linggo at sa Lunes (November 27, 28 and 29).
Pumunta lamang sa ABS-CBN center road mula 10:00 A.M. to 5:00 P.M., magdala ng birth certificate and close-up at whole body photos.
Sino kaya ang susunod na kiddie superstars at susunod sa yapak nina Zaijian Jaranilla at Xyriel Manabat? Magpakitang gilas na at alamin if you’re “In or Out”. Reports from JAMES C. CANTOS
?
- Latest
