Maggie Priority sa Beauty Queen

CEBU, Philippines - Pinaspasay na ang taping ni Maggie Wilson sa Beauty Queen. Siya maoy giuna ni direk Joel Lamangan tungod kay tulo ka semana siya nga dili maka-taping tungod sa iyang umaabot nga kasal karong December 18, ngadto kang Victor Consunji ug sa January next year na matud pa mubalik ang iyang karakter nga si Rebecca.

Pero tsika sa kolumnista sa Pilipino Star Ngayon Nitz Miralles, dili mawad-an og kontrabida si Iza Calzado tungod kay muhulip pud dayon si Katrina Halili.

Samtang miabot na ang Vera Wang wedding gown ni Maggie, pero kinahanglan pa matud pa kini nga diskartehan ni Rajo Laurel tungod kay miniwang ang kanhi Bb. Pilipinas-World.

Tsika pud ni Nitz nga gawas sa wedding gown, tulo pa ka mga biste ang giandam ni Maggie para sa iyang kasal. Duna siyay dress para sa rehearsal, lain pud ang para sa pre-wedding party ug lahi pud ang para sa reception.

Si Rajo ang mi-design sa isul-ob sa wedding entourage. Nasayran nga sa Misibis Bay Resort sa Legaspi ang kasal nila ni Maggie ug Victor tungod kay ganahan sila og beach wedding, small ug private venue.

Maricar Midayeg Ni Angel Ug Loydie

Mas hatagan ni Maricar Reyes og dakong pagtagad ang iyang showbiz karon. Kini maoy gibutyag sa “Imortal” star dihang nahinabi sa Cebu press niadtong Sabado atol sa Kapamilya Fiesta diha sa Mactan, diin usa ka mall show ang nahitabo. ”Masaya ako kasi it’s different from the roles that I play, medyo may pagka villain siya so’ it’s fun to play around with the role,” tsika pud niya kabahin sa iyang role isip Samantha sa hit teleserye Imortal starring John Lloyd Cruz ug Angel Locsin. Gihulagway ni Maricar ang mga bida sa teleserye nga gaan ra ikatrabaho sanglit mga professional kaayo ang mga nahisgutan.

Jodi buwag na sa bana?

Malipayon si Jodi Sta. Maria nga midawat sa iyang ikaduhang acting award pinaagi sa Cinema One Originals movie Third World Happy diin midaog siya isip Best Supporting Actress. Sa dihang gipangutana sa press si Jodi kung nganung sa iyang anak ra niya gi-dedicate ang iyang award ug dili lakip ang iyang husband, miduli ang aktres pagtubag niini. “I don’t want to talk about my personal life right now,” ni Jodi pa. Si Jodi nga dinhi pud sa Sugbo adtong Sabado, alang sa Kapamilya Fiesta mall show diha sa Mactan, mipasabot hinuon nga blangko siya dihang midawat sa nahisgutang award.