Kahit kilalang Kapamilya Charice sa Kapuso magpa-Pasko

Marami ang nagulat sa balitang gagawa ng Christmas special sa GMA 7 si Charice dahil super identified ang singer sa ABS-CBN. Walang exclusive contract si Charice sa Kapamilya, kaya naging madali ang negosasyon ng network sa kampo nito.

May pamagat na Charice : Home for Christmas to be directed by Louie Ignacio. Sa Saturday, Nov. 27, sa Studio 6 ang taping at habang tina-type namin ang kolum na ito, inaayos pa ang mga guests sa kanyang special.

Nalito lang kami sa airing date na sinabi sa Dec. 12 ito ipalalabas sa GMA 7, natatandaan namin, sa nasabi ring petsa ang airing ng by invitation concert ni Ely Buendia na Ely Buendia XL-Xtra Live at 40.

Ang feeling namin, kundi mas maaga sa nabanggit na petsa, baka sa Dec. 19, sa SNBO time slot ito ipalalabas dahil ang Dec. 26, nakalaan para sa wedding special nina Ogie Alcasid at Regine Velasquez.

* * *

Ratsada sa taping ng Beauty Queen si Maggie Wilson, inuuna ni Direk Joel Lamangan ang mga eksena niya dahil three weeks siyang hindi makakapag-taping bilang paghahanda sa Dec. 18 wedding nila ni Victor Consunji at sa January next year na uli babalik ang karakter niyang si Rebecca.

Dumating na ang Vera Wang wedding gown ni Maggie, pero kinailangang ayusin ni Rajo Laurel dahil pumayat siya. Bukod sa wedding gown, may three dresses pang binili si Maggie para sa kanyang kasal. May dress siya for the rehearsal, dress for the pre-wedding party at dress for the reception. Gawa naman ni Rajo ang isusuot ng buong wedding entourage.

Sa Misibis Bay Resort sa Legaspi ang kasal nina Maggie at Victor dahil gusto nila ng beach wedding, small at private venue.

* * *

Aabangan namin ang mga susunod na ga­­­gawin ng isang talent manager dahil nagbanta itong ipu-pull out ang i­sang talent na kasama sa isang sisimulang show ng isang network.

Ang rason ay dahil na­­bulilyaso ang nego­sa­s­yon ng manager para sa isa niyang talent at para siguro ipakitang sumama ang kanyang loob, naisip na i-pull out ang isa niyang talent sa sinalihang show.

Kaya lang, paano ka­ya aalisin ng manager ang talent gayung nakapag-taping na ito sa show at na­tsika na sa press na kasama siya sa show na hindi muna namin babanggitin ang title, basta malapit na siyang umere.

* * *

Mali ang naglabasang spoiler sa simula palang ng Survivor Philippines : Celebrity Showdown na si Moi Marcampo ang mananalo dahil na-vote out siya last Monday at part na siya ng jury na pipili ng winner sa final sa Dec. 3.

Ang daming nagdunung-dunungan at tiniyak nang si Moi ang winner at sa reliable sources nila sa GMA 7 nakuha ang balita. Ang gandang banggitin ang mga pangalang siniguro ang pananalo ni Moi pero ’wag na lang.