Cristine miangkon na gyud

CEBU, Philippines - Giangkon ni Cristine Reyes nga nahimo niya nga boyfriend kaniadto si Rayver Cruz apan iyang giklaro nga wala na sila karon.

Sa programang The Buzz kagahapon, gipangutana si Cristine ni Boy Abunda nga kung nahagkan na ba niini si Rayver sa lips ug mitubag dayon ang aktres og ,“ Siyempre , kasi naging kami eh”.

Lea nag-agad sa fans

Request   gikan sa mga fans ni Lea Salonga ang unod sa album niya nga nag-ulohan og “Your Songs”. Mapasalamaton si Lea sa publiko gumikan kay pabilin kini nga miidolo kaniya hangtud karon.

Joshua ug Barbie naglinabad

Daghan ang nahugyaw sa tsika sa direktor sa Tween Hearts nga si Direk Gina Alajar   gumikan kay matud pa nga dili maminaw kaniya ang mga bida niini nga sila si Barbie Forteza ug Joshua Dionisia ug matud pa nga tataw nga dili ganahan sa ilang “comfort zone” ang duha.   

Mao diay!

Tsika pa ni Alwyun Uytingco nga usa sa mga rason nga mi-deny siya sa relasyon nila ni Jennica Garcia mao na dii siya gusto maapektohan ang team-up sa young actress ngadto kang Carl Guevarra. “I consider natin na may ka-love team ang tao at, ayokong makasira sa trabaho nila,” nagkanayon si Alwyn.

Geoff todo bantay ni Carla

Matud pa nga perming bantayan ni Geoff Eigenmann ang iyang girlfriend nga si Carla Abellana sa set sa pelikulang Shake, Rattle & Roll 12. Giklaro hinuon si Geoff nga dili siya seloso nga pagkatawo ug ganahan siya nga permi makakita ni Carla ilabi na sa bakante niya nga oras.

Britanya nagmadaugon sa Mr. International 2010

Ang pambato sa Great Britain nga si Ryan Terry maoy nakalangkat sa titulo nga Mr. International 2010. Ang maong indigay gipahigayon dili pa lang dugay sa Indonesia diin nasulod sa Top 15 ang garbo sa Pilipinas nga si Raphael Carlos.

Ejay espesyal ni Queenie

“Someone special”, mao kini ang paghulagway ni Queenie Padilla ngadto sa young actor nga si Ejay Falcon. “We’re okay, we’re friends and closer than ever. He’s special to me,” nagkanayon si Queenie ngadto sa ABS-CBN News.

Pacman balik-trabaho na

Mosulod na karong adlawa si Kongresista Manny Pacquiao sa iyang buhatan didto sa Kongreso. Tsika pa ni Manny nga gikinahanglan niya nga motrabaho dayon aron iyang maatiman ang iyang mga konstituwente sa usa ka distrito sa Sarangani Province.

Bag-ong tirada ni   Sitti

Gipangandaman na sa bossa nova queen sa Pilipinas nga si Sitti ang himoon niya nga album sunod tuig. Suma pa sa singer nga dunay mga unod sa maong album ang seguradong ikahugyaw sa iyang mga fans sanglit pipila sa mga unod niini kay mga original songs ug sagolan usab niya kini og pop jazz nga klase   sa kanta. 

Batibot moarangkada sa November 27

Sa Nobyembre 27 ang final date sa pilot episode sa pagbanhaw sa children’s program nga Batibot sa TV 5. Pipila sa mga bituon nini , naglangkob nila ni Manang Bola, Ningning ,Gingging, Kapitan Basa Kuya Fidel (Abner Delina) ug Ate Maya (Kakki Teodoro).

Rebolto ni Marian

Sa ikaduhang higayon, magpabuhat napud si Dingdong Dantes og bag-ong rebolto ni Marian Rivera. Human sa Darna sa miaging tuig, rebolto napud ni Dyesebel ang ipabuhat ni Dingdong karong tuiga.

Alyna extended!

Malipayon nga gipahibalo ni Shaina Magdayao nga extended hangtud sa Enero sunod tuig ang serye niya nga Alyna. Matud pa ni Shaina nga matapos unta ang Alyna sa katapusang bahin karong buwana, apan gipatas-an ang istorya niini gumikan sa kakusog sa rating sa maong serye.Usa sa midayeg sa kanindot sa Alyna mao ang Kapamilya actor nga si Piolo Pascual.

Iya pabahaan og proyekto

Usa ka programa ubos sa ABS-CBN News and Public Affairs ang umaabot nga proyekto ni Iya Villania sa ABS-CBN. Dili pa lang dugay mi-renew si Iya sa iyang kontrata sa maong network . Dugang pa nga tagaan pud diay si Iya og usa ka reality show busa gitouhan nga magbaha pa og maayo ang mga proyekto sa aktres sa unang bahin sunod tuig.

Jake dunay original composition

Giingong ilusad na sa dili madugay ang   self-titled album ni Jake Vargas nga gihimo sulod sa pipila ka buwan. Matud pa nga dunay usa ka original composition ang malakip sa album ni Jake. Samtang malipayon si Jake tungod sa dakong kalampusan sa youth drama series nila sa GMA-7 nga Tween Hearts. Napuno usab sa mga pagdayeg ang tandem nila ni Bea Binene sa nahisgutan nga serye.

Nagpadayon ang relasyon?

Giingong permi gihapon nga mag-date sila si Aljur Abrenica ug Rich Asuncion. Ang duha gasige og deny kaniadto   sa tsika nga matud pa duna sila’y relasyon . Depensa pa ni Aljur nga puwedeng mag-date ang managhigala busa walay dautan alang kaniya kung magkuyog sila ni Rich.

Arron nawili sa indie film

Ganado si Arron Villafor nga malakip pa og laing indie film gumikan sa kalampusan sa gibidahan niya nga   Astro Mayabang   diin nakadaug kini isip Audience Choice ug nakalangkat usab og Special Citation sa bag-ohay pa lang nga Cinema One Originals awards night. “Sa totoo lang, habang ginagawa namin yung Astro Mayabang, parang dito nabukas yung isipan ko na hindi ako titigil sa paggawa ng indie films. Parang dito namulat yung pagkatao ko kasi bilang isang indie actor, parang dito gumagana yung pagiging artistic mo. Kumbaga may freedom ka sa pelikulang gagawin mo,” nagkanayon si Arron ngadto sa abs-cbn.com. 

Aljur ganahan mag-solo concert

Naglaraw si Aljur Abrenica nga makahimo og solo concert puhon. Nakahuna-huna ang aktor niini gumikan sa paghangop kaniya sa mga tawo sa dihang mibisita siya sa usa ka mall didto sa kaulohan alang sa promosyon sa iyang album.Pagkakaron, giatiman ni Aljur ang gipabuhat niya nga resort sa Batangas ug matud pa hapit na mahuman ang konstruksyon niini.