Toni gipatangtang sa ABS-CBN

CEBU, Philippines - Si Toni Gonzaga diay unta maoy himuong host sa umaabot nga Awards Night sa 2010 Metro Manila Film Festival sa Meralco Theater sa December 26. Pero ang tsika ni Nitz Miralles, kolumnista sa Pilipino Star Ngayon, gibakwi sa ABS-CBN ang ilang pagtugot dihang nasayran nga ang GMA-7 maoy musalida sa awards night.

Best in Costume ang Show

Nag-costume gyud sila si Marian Rivera ug John Lapus nga mitambong sa presscon sa Metro Manila Film Festival niadtong Huwebes. Ang ilang costume mao ang ilang gigamit mismo sa festival entry nga Super Inday and the Golden Bibe ubos sa Regal Films ug GMA Films. Tsika ni Nitz Miralles, kolumnista sa Pilipino Star Ngayon, may three shooting days pa ang maong pelikula ni Marian, pero pasalig sa direktor nga si Mike Tuiviera, mahuman na gyud ni sa dili pa ang December 2 deadline.

Dennis ug Jennylyn problemado

Nagproblema karon sila si Dennis Trillo ug Jennylyn Mercado unsaon nila pag-promote ang ilang filmfest entry nga “Rosario” sa TV5 nga duna man silay exclusive contract sa GMA-7. Ang nahisgutang epic movie iya sa Cinemabuhay nga alyado sa TV 5 ni Manny Pangilinan ug ubos sa direksyon ni Albert Martinez. Panghinaot sa managhigugmaay nga tugtan sila sa ilang mother network.

Tigi sa GMA-7 primetime stars

Sa December 4 na sugdan ang reality Christmas serye sa GMA-7 nga nag-ulohan og Puso ng Pasko, diin 12 pairs sa Kapuso primetime stars ang musagubang sa nagkadaiyang pagsuway. Suma pa ni Nitz Miralles, kolumnista sa Pilipino Star Ngayon, angay atangan ang maong project tungod kay nagkadaiyang challenges gyud ang atubangon sa mga artista sa ngan sa serbisyong totoo ug sa tinguha nga makatabang sa nanginahanglan pinaagi sa dagkong ganti.