Richard ug Eugene magpares

CEBU, Philippines - Gikataho nga trilogy na ang Valentine movie ni Richard Gutierrez sunod tuig. Matud pa nga si Eugene Domingo maoy partner sa aktor sa first episode niini. Sila si Lovi Poe ug Solenn Heussaff sa ikaduha nga episode. Sa third episode , makauban ni Richard ang leading lady niya kaniadto sa Zorro nga si Rhian Ramos.

Marian gisaaran ni Dingdong

Gisaaran ni Dingdong Dantes ang iyang girlfriend nga si Marian Rivera nga iya kini nga isuroy sa Singapore kung makadaog siya sa Asian TV Awards diin nominado siya sa Best Performance by a Drama Actor category alang sa Pinoy version sa Stairway To Heaven diin midala siya sa papel nga Cholo. Makatigi ni Dingdong sa maong kategorya , ang mga sikat nga aktor sa ubang nasud sa Asya.

Cristina ug Ariel nagminyo na gyud!

Kumpirmado nga gikasal na gyud sila si Cristina Decena ug ang sikat nga komedyante nga si Ariel Villasanta. Unang nabantayan ang bag-o nila nga istado sa milabay nga 24th Awards for TV. Ang duha gikasal niadtong Nobiyembre 6 didto sa Hong Kong. Si Ariel misikat gumikan sa tandem nila ni Maverick sa telebisyon. Samtang si Cristina maoy kanhi karelasyon ni Philip Salvador.

Angelica operahanan

Operahanan ang tonsil ni Angelica Panganiban ug kini maoy gibutyag sa iyang boyfriend nga si Derek Ramsay. Gitambagan ni Derek si Angelica nga tumanon ang gisugilon sa doktor.

KC - Sam sulayan sunod tuig

Mag-uban sa usa ka pelikula sa Star Cinema sunod tuig sila si KC Concepcion ug Sam Milby. Una kini nga higayon nga mag-uban ang duha sa usa ka proyekto. Wala pa’y detalye ang Star Cinema kung kinsa ang makauban nila ni KC ug Sam sa maong pelikula.

“Shout Out” stars kompleto na!

Pormal na nga gipaila sa ABS-CBN ang mga bituon sa umaabot nila nga teen variety show nga “Shout Out” nga magsugod na karong Nobiyembre 29.

Nagkalain-laing grupo sa mga artista ang makita matag-adlaw sa maong show.

Masaksihan matag Lunes ang grupo nga MONDEERIFICS nga gibituonan nila ni Ryan Bang, Julia Montes, Makisig Morales, Rhap Salazar, Martin del Rosario, Jenny Kim, Ann Li, Tippy de Dios ug Aria Clemente.

Mulingaw usab matag Martes ang grupong TUESDELICIOUS nga gilangkoban nila ni James Reid , Devon Seron, 3AM group (James, Kyle, Mica), Imelda Taylor Smith, Emman De Vera, Inno Martin ug Piero Vergara.

Ang grupong MIYERKULITZ maoy masaksihan matag Miyerkules ug kini gilangkuban nila ni Bret Jackson, Fretzie Bercede, Miles Ocampo, Jane Oineza, Mikylla Ramirez, Katryn Bernardo, John Manalo, Paul Salas ug Sue Dodd.

Dili usab magpaulahi matag Huwebes ang grupong FRIENDS-THURS nga gibituonan nila ni Ivan Dorschner, Tricia Santos, A Pop na sina Nel Gomez, Young JV, Jaco Benin kasama sina Benjamin de Guzman, Anna Bianca Casado, Yen Santos ug Linn Oeymo.

Samtang magbaha ang mga artista matag Biyernes sanglit ang All Star Cast maoy mohatag sa ilang sa mga song ug dance numbers sa maong adlaw.

Ang mga hosts niini naglangkob nila Enchong Dee, Erich Gonzales, Empress Shuck, Sam Concepcion, Robi Domingo, Arron Villaflor ug Enrique Gil.

Eva Longoria nakig-divorce

Nakigbuwag sa iyang bana nga basketbolista si “Desperate Housewives” star Eva Longoria. Suma pa nga gituldukan ni Longoria ang iyang kaminyuon kang San Antonio Spurs player Tony Parker tungod kay nag-ingon duna matud pay laing babaye ang basketbolista basi sa mga text messages niini nga nadiskubrian ni Longoria.

“It is with great sadness that after 7 years together, Tony and I have decided to divorce,” nagkanayon ang 35 anyos nga si Longoria pinaagi sa iyang Facebook page. “We love each other deeply and pray for each other’s happiness.”

Nasayran nga 100 text messages gikan sa laing babaye matud pa ang nakit-an ni Longoria sa cellphone sa 27 anyos nga si Parker.

Ikaduhang bana na ni Longoria si Parker. Una siyang gikasal ngadto kang “General Hospital” TV actor Tyler Christopher, pero nagbuwag sila niadtong 2004 human sa duha ka tuig.