Anak nina Ryan at Juday nabinyagan na ng sikreto

TRUE : Hindi lang namin nakumpirma kung saang simbahan, pero nabinyagan na kahapon ng umaga si Baby Lucho nina Ryan Agoncillo at Judy Ann Santos.

Hindi lang tiyak ng aming source kung ilan ang ninong at ninang pero konti lang talaga, gaya nang sinasabi noon pa ng mag-asawa.

Mga pamilya at malalapit na kaibigan lang ang imbitado at nakausap namin ang ilan sa kanila, nakiusap itong huwag na silang pilitin dahil kabilin-bilinan ng mag-asawa na very private ito at huwag nang ikuwento.

Abangan na lang natin ang kuwento ni Ryan pagkatapos nito dahil kahit si Judy Ann ay ayaw pa ring lumabas muna.

TANONG : Totoo kayang hindi nakarating ng India si Deo “Dikong” Fajardo na siya sanang magdidirek ng pelikula nina Robin Padilla at Mariel Rodriguez na sinu-shoot doon?

May hold departure order pa si Dikong kaya ang mga maleta lang ang nakarating doon sa India pero naiwan siya rito sa Pilipinas.

Hindi lang namin alam kung sino na ang nagpatuloy sa pagdidirek dahil hindi na nakarating doon si Dikong.

TOTOO KAYANG isa sa bubuksan sa Walk of Fame sa December ay si Jacky Woo? Whaaat? Jacky Woo? Alamin natin iyan kay German Moreno kung totoo nga, dahil siya naman ang nagdi-decide kung sino ang ilalagay niya sa Walk of Fame.

Ilan sa mga kasabay nito na na-inaugurate ay mga bigating newscasters na sina Mike Enriquez, Che Che Lazaro, at Korina Sanchez.

TSIKA LANG : Bukod sa malaking karangalan na naman na nakamit ng ating bansa sa pagkapanalo ni Meryll Soriano bilang best actress sa Brussels International Film Festival, proud din tayo dahil isa sa bumuo sa mga jurors ay si Marvin Agustin na sa totoo lang, hindi pa nga siya siguro nakapag-judge dito sa sarili nating filmfest.

Pero siya ang pinili ng mga bumubuo ng Brussels International Film Festival.

Sa pagbalik ni Marvin ay naikuwento nitong nahirapan din siya dahil sa Pinoy nga siya, gusto niya talagang maging fair at huwag na lumabas na biased sa entry ng ating bansa. Pero talagang lumalabas sa deliberation na lamang na lamang si Meryll sa mga naglalabang best actress at pati na rin ang pelikulang Donor na nagwagi ring best picture sa naturang international film festival.