Kim mag-inusara sa Pasko

CEBU, Philippines - Gusto ni Kim Chiu nga mag-selebrar sa Pasko nga mag-solo busa naglaraw siya nga mobakasyon sa usa ka nindot nga dapit. Gihimakak usab ni Kim ang tsika nga matud pa nga ubos siya karon sa depresyon gumikan sa break-up nila ni Gerald Anderson hinungdan nga nga mag-solo siya sa Pasko.

Bakal Boys nakadaug sa France

Ang Bakal Boys maoy midaug isip Best Film sa Asian Connection Film Festival 2010 didto sa France. Ang maong pelikula giderek ni Ralston Jover ug gibase kini sa istorya sa mga batan-on sa Baseco, Tondo.

Heart ug Daniel nagkalig-on

 Kanunay nga magkuyog sa pagpanimba matag Domingo ang mag-uyab nga sila si Heart Evangelista ug Daniel Matsunaga. Tsika pa ni Heart nga boutan kaayo si Daniel ug iya kini nga gihulagway nga mahadlukon sa Ginoo .

Dos nagpadungog-dungog

Ang kanhi programa sa ABS-CBN nga Wowowee nakadaug isip Best Variety/Game Show Star Awards for TV ug midawat sa maong pasidungog ang Corporate Communications head sa maong network nga si Bong Osorio, kinsa milenggua og, “Salamat po sa award kahit wala na ito sa aming istasyon... Maganda ang programa kaya sana ay huwag gayahin ng ibang istasyon.”

Bobby ug Francine uyab na!

Matud pa nga duna gyu’y relasyon sila si Francine Prieto ug Bobby Yan. Giingong magkuyog kanunay ang duha sa pagpanuroy .Sila si Bobby ug Francine pabilin nga nag-uban saprograma sa DZMM nga “Ka-Date”.

Pauleen kever sa isyu

Gikataw-an lang ni Pauleen Luna ang isyu nga naglambigit sa iyang pangalan ngadto sa radio/TV host nga si KC Montero. Matud pa sa aktres nga dakong “single” siya karong panahona busa nahibulong siya kung diin nagsugod ang maong isyu.

Mommy D nakuyapan

Nakuyapan si Mommy Dionisia Pacquiao samtang naglantaw sa boxing fight sa iyang anak nga si Manny batok kang Antonio Margarito sa Dallas ,Texas kagahapon.Una kini nga higayon nga milantaw si Dionisia sa aktwal nga away sa iyang anak sa ring.