Nag-abroad lang si Derek, Angelica nakipag-yakapan agad kay Christian

MANILA, Philippines - Ang sweet naman ng music video ni Christian Bautista kasama si Angelica Panganiban para sa Nakaraang Pasko na carrier single ng Wonderful Christmas album ni Christian.

Halos buong music video ay magkayakap sina Christian at Angelica kaya naman hindi maiwasang kiligin ang mga nakapanood na ng music video with matching snow effect pa.

Kaka-launch lang ng music video sa MYX, pero dagsa na ang requests para dito. Para bumoto, mag-text lang ng MYX VOTE NAKARAANG PASKO sa 2366.

“Special sa akin ito dahil ito ‘yung unang full-length Christmas album ko,” sabi pa ni Christian. “Nandito lahat ng pinakamagagandang Christmas tunes na minahal at minamahal natin plus nakapag-record din ako ng kanta na ako mismo ang sumulat (Christmas Time.)”

Bongga rin ang album na ito dahil nag-comeback ang magandang tinig ni Liza Chan-Parpan, ang boses na kasama ni Jose Mari Chan sa timeless na Christmas in our Hearts.

May duet sila - The Gift of Christmas - na sinulat ni Michael Chan (anak din ni Jose Mari).

Patuloy pa ring humahataw sa iba’t ibang sulok ng Asya ang Romance Revisted ni Christian, na na-awardan recently ng Triple Platinum Award. Mapapanood din si Christian soon sa isang international film – ang Jayden’s Choir.

Regular din na makikita si Christian sa ASAP XV at Star Power.

Teka hindi kaya nakaramdam ng selos sa yakapan nina Christian at Angelica si Derek Ramsay na kasalukuyang nasa abroad?