Bag-ong co-host ni Willie

CEBU, Philippines - Kontrobersyal nga female star ang mahimong co-host ni Willie Revillame sa “Willing Wilie sa TV 5, ug ipaila matod pa karong November 8. Ang tsika sa PEP nalambigit ang maong babaye sa usa ka politiko kaniadto ug kanhi kini newscaster.

Maja andam na sa “Thelma”

Natapos na kagahapon ang training ni Maja Salvador sa Ultra Pasig ubos ni Elma Muros. Tungod niini, andam na siya sa indie film nga “Thelma,” sa direksyon ni Paul Soriano.

Andi mitingog na

Giangkon ni Andi Manzano sa programang Tweetbitz nga nanan-aw sila og sine ni Jericho Rosales sa Eastwood. Apan depensa pa niya nga daghan sila niadtong higayona busa dili kini angay tagaan og malisya.Gihulagway niya si Echo nga “good friend ” gumikan kay iyaan niya ang manager sa aktor nga si Angeli Pangilinan.

James napul-an ni Arnold

Mibiya na si James Blanco sa iyang manager nga si Arnold Vegafria. Mipasilong na karon si James ni Noel Ferrer.Nasagmuyo si James gumikan kay upat siya ka tuig nga walay trabaho sukad nahimo niya nga manager si Arnold. Bag-ohay lang migawas siya sa “Beauty Queen” ug naa pud siya sa Bantatay.

Iya sa Batang Milyonaryo?

Mitumaw ang taho nga matud pa nga ang Krismaserye ni Jillian Ward nga “Batang Milyonaryo” maoy unang proyekto ni Iya Villania sa iyang pagbalik na sa tugkaran sa GMA-7. Kahinumduman nga migawas dinhi sa Banat Hugyaw sa miaging adlaw ang   giingong pagbiya ni Iya sa Dos aron mobalhin paingon sa Siyete. (Sanden J. Anadia

Jen di na pwedeng buntagay

Dunay sakit sa kasingkasing nga gitawag og Mitral Valve Prolapse (MVP) si Jennelyn Mercado hinungdan nga na-ospital kini sa milabay nga semana. Dili ra matud pa kini angay kabalak-an ug kinahanglan nga mag-work out o kaha mag-swimming ang aktres aron makatigom siya og enerhiya sa lawas. Minosan na ni Jen ang oras sa taping niya sa Little Star gumikan kay dili na siya puwede magbinuntagay og trabaho.

Gimik ang show

Gidudahan nga gimik lang ang pagkalambigit ni Alodia Gosiengfiao ngadto kang Luis Manzano gumikan kay magpares diay ang duha sa bag-ong show sa ABS-CBN nga “L.O.L.” (Laugh Out Loud). 

Jiro naglinabad

Patyon na lang ang karakter ni Jiro Manio sa seryeng Little Star sa GMA-7 kay matud pa wala na kini tunga-tunga sa taping.Daghan ang nahibulong sa gibuhat ni Jiro sanglit manager man niya ang direktor sa maong serye nga si Maryo delos Reyes.

Diamond engagement ring

Nag-abot ang PEP ug si Kristine Hermosa sa Alabang kagahapon sa buntag. Nagdumili ang aktres paghatag og detalye sa umaabot niya nga kasal kang Oyo Boy Sotto, pero misidlak gyud ang diamond engagement ring sa iyang tuo nga tudlo.

Mama ni Shalani mitingog na

Mitingog na ang inahan ni Shalani Soledad kabahin sa gidangatan sa relasyon nila ni Presidente Noy ug sa iyang anak. Daghan matud pa og gipabuhagay ang inahan sa dalaga pinaagi sa "Paparazzi," karong hapon. Tambag matud pa niini sa iyang anak mao nga "Kahit magsasaka ang mapangasawa ng anak ko basta ba mahalin siya nang tunay at totoo." The interview will be aired tomorrow.

John ug Rachelle “exclusively

dating”

Giangkon ni John Prats nga si   Rachelle Ann Go maoy doul sa iyang kasing-kasing karong panahona. Matud pa nga dunay mga panahon nga manan-aw sila og sine ni Rachelle Ann. Dugang pa ni John nga nakahibalo na ang ex-boyfriend sa singer   nga si Gab Concepcion nga nag-date sila ni Rachelle.” Hindi pa naman kasi kami ni Shin, pero siyempre nakakasama ko si Gab sa trabaho. So kinausap ko siya, sinabi ko na lumalabas kami ni Shin (Rachelle). Pinaalam ko kay Gab kasi para alam mo yun, kung ano man ang mangyayari in the future, hindi naman natin alam kung ano mangyayari, at least sa akin nanggaling at sa akin niya unang narinig. Okay naman, matagal naman na kasi [silang wala],” nagkanayon si Rachelle ngadto sa abs-cbn.com. (THE FREEMAN)