Christian gustong magka-'Diamond'

MANILA, Philippines - Handa na si Christian Bautista sa pagsapit ng Pasko dahil nailabas na ang A Wonderful Christmas album niya mula sa Universal Records.

Ang Christmas album ang handog ng Asia’s Romantic Balladeer sa mga fans. Naglalaman ito ng 15 songs at magandang ipang-regalo dahil parang libro na hardbound ang pabalat. Collector’s item na maituturing, may 16-page colored booklet at lahat ng kanta ay may lyrics na kasama.

Dito rin sa A Wonderful Christmas makikita ang mga never-before-seen photos ni Christian. At ang komposisyon niyang Christmas Time. Ang unang single ng album, Nakaraang Pasko, ay may music video na at si Angelica Panganiban ang kasama ng balladeer.

Kasama sa album ang mga kantang The Christmas Song, Angels We Have Heard on High, Silver Bells, Little Drummer Boy, Christmas Shoes, The Gift of Christmas (duet na kasama si Liza Chan Parpan), Christian Time, All I Want For Christmas, Oh Come All Ye Faithful, Last Christmas, Christmas Alphabet, at It Came Upon a Midnight Clear.

Ang Christmas wish ni Christian?

“I want to receive a Diamond Record award either for Romance Revisited or A Wonderful Christmas album,” ang mabilis na sagot ng singer na kilala na rin sa Indonesia.