Maja tinuturuang tumakbo ni Elma Muros
Wala naman sigurong kinalaman ang pagkakasakit ni Rufa Mae Quinto at madalas na pagbiyahe sa desisyon ng GMA 7 na tapusin na ang Kaya Ng Powers na pinagbibidahan nito kasama si Joey Marquez.
Last taping na ng comedy show last Thursday at sa interview kay GMA-7 SVP Wilma Galvante, nabanggit nitong isang horror-comedy series ang ilu-launch ng istasyon. Pambata raw ang tema nito at magpi-feature ng Philippine folklore. Ang comedy series na kayang ito ang ipapalit sa Kaya Ng Powers?
* * *
Biniro si Maja Salvador na in character na nang dumating sa presscon ng indie film na Thelma na kanyang pinagbibidahan at ididirek ni Paul Soriano dahil naka-training outfit na. Isang runner ang gagampanan nito sa nasabing pelikula na kukunan ng 10 days ni direk Paul sa Laoag, Ilocos Norte at five to six days dito sa Metro Manila.
First indie film ni Maja ang Thelma at masuwerte siya na si direk Paul ang kanyang director at si Elma Muros ang nagti-train sa kanyang tumakbo. Nagpatulong ito kay direk Paul para ibang Maja ang makita at ibang acting ang kanyang ibigay.
“Gusto ko lang natural acting ang ibigay ko at talagang runner ang dating ko. Si Elma ang peg ko sa role ko sana ma-achieve ko.”
Sabi ni Maja, marami nang indie films ang in-offer sa kanya, pero ‘di niya nagustuhan dahil sexy roles ang gagampanan. Pero sa Thelma, “yes” agad ang sagot niya after ikuwento ni direk Paul ang story at ang role niya.
Five days nang nagti-training sa Ultra si Maja at bukas ang last training niya bago sila tumulak para sa shooting sa Laoag.
* * *
After Sarah Lahbati na nakasama sa cast ng White House, si Rocco Nacino ang next na galing sa StarStruck V ang magkaka-pelikula. Kinuha siya ng APT Entertainment para isama sa cast ng movie nina Maricel Soriano at Roderick Paulate na may location sa Italy. Hindi lang kami tiyak kung kasama si Rocco sa Italy.
Pumirma na ng kontrata si Rocco sa APT Entertainment at dumalo siya sa storycon na ginawa the same night ng presscon ng Koreana, kaya aligaga ito dahil after the presscon, bumalik siya sa storycon somewhere in Makati City.
* * *
Tini-text ng isang reporter si Gwen Zamora para itanong kung tuloy this weekend ang date nila ni Ervic Vijandre ng Survivor Philippines pero hindi sumagot ng dalaga. Gusto yata nito, matuloy ang date nila ni Ervic nang hindi alam ng press para hindi sila sundan.
Mukha namang hindi pa binabasted ni Gwen si Ervic, tulad nang nababalita. In fact, noong araw na mabalitang basted sa kanya ang binata, ka-text pa niya ito.
- Latest
