Forever mistress, TV personality magaling suminghot ng huhuthutan

Hmmm ang galing palang suminghot ng gagatasan ng isang TV personality at alam kung sino ang kakapitan.

Ngayon ay kakatapos lang daw ng relasyon ng TV personality sa isang mayamang negosyante.

Matagal-tagal din daw ang naging relasyon ng dalawa at in fairness, nahuthutan daw ng TV personality ang mayamang negosyante.

Kung sabagay hindi na raw bago ang ganito sa TV personality.

Ang mas nakakaloka, mayayamang negosyante na may asawa raw ang pinapatulan ng not so very young na TV personality.

Yup, nakailang relasyon na raw ito pero parating sa may asawa at forever mistress ang drama.

May pagka-controversial ang buhay ng TV personality na ito na napapanood pa rin natin hanggang ngayon sa isang channel.

Dra belo ayaw maging kontrobersiyal

Hindi pa naman pala tinatanggal ng Bureau of Immigration ang arrival and departure card sa NAIA na nakalagay ang litrato ni Dra. Vicki Belo.

Idini-distribute pa rin daw ito sa mga umaalis at bumabalik ng bansa at wala pa rin daw natatanggap na notice ang opisina ng sikat na doktor tungkol sa napabalitang pagpu-pull out nito sa NAIA.

Pero hangga’t maaari, ayaw nang pag-usapan ni Dra. Belo ang tungkol sa nasabing issue dahil ang abogado na raw niyang si Atty. Adel Tamano ang dapat kausapin tungkol dito.

Nagugulat lang daw siya na lumaki ang issue samantalang meron namang ibang picture na makikita doon at hindi lang siya. “Why only me, I don’t like to be controversial,” bungad ni Dra. Belo na dumating ng late sa presscon ni Derek Ramsay para sa launching ng Belo Men last Tuesday afternoon.

Tulad ng dating statement ni Dra. Belo, para sa medical tourism ng bansa ang kanyang ginawa at nakikita naman daw niya ang ibang mga kumpanya na meron din sariling advertisement pero ang ikinatataka ay bakit siya lang ang napag-iinitan sa nasabing departure and arrival card ng BI.

Magkano ba ang nagastos niya rito?

Perfect and reasonable price ayon kay Dra. Belo.

Pero ang marketing daw niya ang may alam dito dahil sila ang nag-ayos ng lahat.

Nanghihinayang lang daw siya sa mga itatapong papel sakaling i-cancel pa eh naipamigay na nga naman sa airport sa ibang bansa.

Anyway, ba’t ganun, mukhang mas sexy ngayon si Dra. Belo?

May ready answer si Nay Lolit Solis. “Nadidiligan eh.”

Nang subukan tanungin ito tungkol kay Dr. Hayden Kho, ayaw na niyang magkuwento.

Solusyon sa Dry Hair

Ay may nag-react nga pala tungkol sa dry hair ni Charice.

Try kaya raw nitong gumamit ng shampoo, ‘yung Sunsilk para kasing straight ng hair ni Sarah Geronimo ang buhok niya.

Why not.