Heartaches Rated B

CEBU, Philippines - “B” ang rating nga gihatag sa Cinema Evaluation Board sa pelikulang “Till My Heartaches End.” Kining maong Star Cinema movie nga hayan katapusan na nga panagpares sa loveteam nila ni Kim Chiu ug Gerald Anderson, ubos sa direksyon ni Jose Javier Reyes, ug showing na karong adlawa sa mga sinehan lukop nasud.

Meriam ug Anabelle naa puy isyu

Hasta si Meriam Quaimbao dili pud matud pa maayo og relasyon karon sa iyang manager nga si Annabelle Rama. Napungot si Annabelle niya tungod kay sayo sa buntag mi-text kini kay makig-meeting niya kabahin sa iyang career, nga wala gani matud pa mangatahuran. Matud ni Annabelle tibuok adlaw siya nga gisigihan og text ni Meriam bisan og iyang giingnan nga dili lang mabalaka kay siya ra maoy mahibawo. Pero matud ni Meriam sa show nga Tweetbiz niadtong Lunes sa gabii, igo lamang siyang nakisayud aron sa ingon matuki nila ni Annabelle asa padung ang iyang career. - Ryan Mark