Dingdong-Kris movie nagkahanap

CEBU, Philippines - Dunay color-coding  ang uniform sa yaya ni Kris Aquino ug sa iyang mga anak. Ang yaya ni Kris kinahanglan nga magsul-ob og yellow uniform samtang   blue usab alang sa yaya ni Baby James gumikan kay mao kini ang paborito nga kolor sa bata. Violet usab ang uniform sa yaya ni Joshua.

Tsika pa sa kolumnista sa Pilipino Star Ngayon nga si Nitz Miralles nga ang yaya Imelda ni Kris kay naa na sa kiliran sa TV host sulod sa 12 na katuig, ang driver ni Joshua kay misilbi na og 15 ka tuig, ang tigluto kay 12 years ug tulo na pud ka tuig ang Yaya Gerbel ni baby James. Ang tanan nga katabang ni Kris adunay facebook account.

Sa laing bahin, nagkahanap ang posibilidad nga makabuhat og pelikula si Kris sa GMA Films gumikan kay wala pa nahuman ang three-picture contract sa TV host sa Star Cinema.

Samtang giangkon ni Kris nga nahugyaw kaniya ang iyang kapares sa pelikulang Dalaw nga si Diether Ocampo gumikan kay nagdala siya og microwave, oven toaster, cooler, coffee maker ug kama sa set sa maong pelikula.

“Buong bahay daw ang dala ko at sabi ko naman, wala akong pretention, that’s why I’m high maintenance and that’s why I work so hard, natawa na lang siya,” suma pa sa TV host. (Sanden J. Anadia)