"Down with Love"

CEBU, Philippines - Karong adlawa na magsugod ang bag-ong asianovela sa ABS-CBN nga “Down with Love,” nga gibidahan nila ni   Jerry Yan ug Ella Chen. Sakop kaniadto si Jerry sa F4 ug nahimong kabahin sa sikat nga asianovela nga Meteor Garden samtang si Ella kay bida usab kaniadto sa “Hana Kimi”.

Richard nasagmuyo

Gipadayag ni Richard Gutierrez nga nasakitan siya sa pagbiya ni Heart Evangelista isip   talent sa iyang inahan nga si Anabelle Rama. Matud pa ni Richard nga dako og natabang ang iyang inahan sa pagpalambo sa career ni Heart.

Jason busy sa negosyo

Napuno sa mga pagdayeg si Jason Abalos gikan sa iyang mga fans gumikan kay matud pa kugihan kaayo kini nga aktor. Gawas sa ka-busy ni Jason sa taping sa “Precious Hearts Romances Presents Alyna,” giatiman usab niya ang iyang negosyo nga printing shop.

Sam wala mahadlok ni Marian

Gipadayag ni Sam Pinto nga dili sila close ni Dingdong Dantes busa wala siya mahadlok sa girlfriend sa aktor nga si Marian Rivera. Kahinumduman nga na-link ang pangalan ni Sam ngadto kang Dingdong sa milabay nga adlaw.

Tom gikulbaan

Gikulbaan si Tom Rodriguez sa una niya nga pagtungtong sa set sa My Driver Sweet Lover sa TV 5 apan nabawi ra kini gumikan sa kabuotan sa ubang bituon sa maong programa nga gilangkoban nila ni JC de Vera, Danita Paner, Arci Muñoz, Keempee de Leon ug Cai Cortez. (Sanden J. Anadia)