Kwarta ang giawayan ni Annabelle ug Heart!

CEBU, Philippines - Hingpit na gyud nga mitingog si Annabelle Rama kabahin sa kahiubos niya sa iyang talent nga si Heart Evangelista. Suma pa sa Pilipino Star Ngayon, hagbay ra nga gisumsuman ang maong taho sa showbiz, human kini unang migawas isip blind item.

“Nang kunin ko siya, tatlong taon siyang laos sa ABS-CBN. Wala siyang trabaho. Wala siyang career.

“Tinulungan ko siya, nagka-career siya. Pero anong ginawa niya? Nang makita ng nanay niya ang seven figures sa contract ng anak niya, tumawag siya sa akin. Sinabi niya kung puwedeng siya na lang ang maghawak sa anak niya dahil kailangan din naman niyang magtrabaho. Nanghihinayang pa sa ibinibigay sa aking 30% na commission. Ingrata siya, walang utang na loob, laos, at hindi na sisikat. Goodluck to you girl,” nagkanayon si Annabelle atol sa iyang birthday presscon kagahapon, diin iya pud nga gipahibawo nga Royale Artists Management na ang ngalan sa iyang talent agency, dili na Royale Era.

Tulo ka tuig matud pa ang kontrata nga gipirmahan ni Heart, ubos ni Annabelle, ug wala pa kini matapos. Hinuon, ang commission niya gikan sa GMA-7, diretso matud pa niya.

Samtang apil sa presscon kagahapon ang mga talents ni Annabelle nga sila si JC de Vera, Ehra and Michelle Madrigal, Jon Hall, Danita Paner, Bubbles and Paolo Paraiso and Eddie Gutierrez.

Samtang atol sa birthday party ni Anabelle karong October 28, usa ka fashion show ang ipahigayon sa Crowne Plaza Hotel, alas otso sa gabii.

Apil unta si Heart sa murampa sa maong fashion show, pero gipatangtang na ni Annabelle ang ngalan sa aktres.

Willing Willie Fans nagsugwak!

Nagdasok ang mga tawo sa Willing Willie TV5 studio sa Novaliches, kagahapon sa hapon nga buot musaksi sa dress rehearsal niini. Alas kwatro pa magsugod ang show, pero alas dose sa udto wala nay parking space sa gawas sa building nga nahimutang sa Marcos Highway.

Welcome the bubblets!

Bubblets, ang labing bag-ong grupo nga malakip sa Bubble Gang, ug pormal na nga gipaila kagahapon sa udto. Kini naglakip nila ni Jackie Rice, Gwen Zamora, Ellen Adarna ug Sam Pinto.

Direk Carlo gisagpa og tax evasion!

Gisagpa og kasong tax evasion sa Bureau of Internal Revenue si direk Carlo J. Caparas, gumikan sa matud pa kapakyas niini pagduso sa iyang income tax returns para sa 2006-2009, nga mikabat og P540M, suma pa sa PEP.

“Ahas” si Andi!

“Galema, Anak Ni Zuma” ang next soap ni Andi Eigenmann sa ABS-CBN. Tsika sa PEP, si Wenn Deramas maoy direktor niini, ug gitakdang sugdan sa katapusang bahin niining buwana, o sa unang bahin sa sunod buwan.