Tsugi kay mubog rating!

CEBU, Philippines - Upat ka mga shows sa ABS-CBN ang mutapos karong Biyernes puhon, ug suma pa ni DZRH reporter Glen Garci, gumikan kini sa ubos nga rating. Si Garci kinsa mitaho niini sa OkRyan sa dyRC 648kHZ, kagahapon sa alas onse sa buntag, mitumbok sa Idol, Rosalka, Hes Beautiful, ug Simply KC isip ang mga shows sa ABS-CBN nga tsugi na.

Padded ang kabayo

Dili kumbinsido si Tita Swarding nga mikita gyud ang Petrang Kabayo ni Vice Ganda. Suma pa sa beteranang showbiz reporter atol sa programang OkRyan sa dyRC 648kHz, kagahapon sa buntag, “ padding lang yan.” Suma pa niya nga dili katuohan tungod kay ang manager ra ni Vice nga si Ogie Diaz maoy nagpasiatab nga P15 M ang first-day gross sa maong movie ni Vice.

Paolo bahog tiil?

Bahog tiil si Paolo Bediones. Kini matud pa ni Tita Swarding kagahapon atol sa OkRyan sa dyRC 648 kHz. “Ang baho ng paa niyan, may eczema yan.” Suma pa niya, nabantayan niya kini niadtong nakaapil siya og taping sa Extra Challenge sa GMA-7 kaniadto sa Palawan, kauban pud si Keanna Reeves ug duha ka mga sakop sa Viva Hotbabes. Ang Extra Challenge, toprating reality show ni Paolo sa GMA-7 kaniadto.

Zaijian gigamit-gamit

Gigamit matud pa sa usa ka buot magpapili pagka-konsehal sa barangay didto sa Mindoro ang hulagway ni Zaijian Jaranilla. Daling mikisi-kisi ang Star Magic nga maoy nagduma sa career sa child star. Suma pa walay pagtugot ang maong lakang, ug mipasidaan ang nahisgutang talent agency ngadto sa buot musunod niining maong pamaagi nga mag-atubang gyud sila og dakong labad sa ulo.

Miss Puerto Rico ang Beach Beauty Winner!

Si Miss Puerto Rico Yara Lasanta Santiago, maoy midaog sa labing unang fastrack award sa Miss World 2010, ang Beach Beauty.

Tungod niini, automatic na siya nga semi-finalist, ug dunay dakong kahigayonan nga maoy makadughit sa korona karong October 30, didto sa Sanya, China.

Ang pambato sa French Polynesia, maoy 4th Runner-Up; PR China ang 3rd Runner-Up; Norway ang 2nd Runner-up, ug 1ST Runner-up ang USA.

Justin nangaway og bata?

Gidungog karon ang taho ang giingong pag-pangaway sa international singer nga si Justin Beiber ngadto sa usa ka 12 anyos nga bata nga   ka-enkwentro niini sa    laser tag game.

Hinoun duna pu’y nigawas nga report nga matud pa nga dili si Justin maoy nakasala.

Ang insidente giingong gipa-blotter sa Royal Canadian Mounted Police ug giingong gisugdan na kini pag-imbestigar karon. 

Ang kampo ni Justin mihimakak sa report nga matud pa nga ang batang singer maoy hinungdan sa kagubot.