Jolo iiwan na ang showbiz

Akala ko ay pinuntahan lamang ni Alfred Vargas ang kanyang nobya sa Italya ka­sama ang kanyang ina at kapatid na babae para lamang hingin ang ka­may ng kanyang nobya in marriage. Pero, mara­ming balita ang naka­rating dito na nagpakasal na sila, su­sundan na lamang ng isang malaking church wedding dito next year.

Sabi nga ng bagong halal na konsehal ng Quezon City ay siniguro lamang niya na hindi na makakawala pa ang nobya niya. Eh ano pa ba ang ibig sabihin nun?

Kung sabagay nasa estado na si Alfred na kaya na niyang magdala ng pamilya, hindi lamang physi­cally kundi maging financially. At ang pamilya ay makapagbibigay pa sa kanya ng ins­pirasyon para pagbutihin ang kan­yang trabaho sa gobyerno. Feeling ko nga mas focused si Alfred ngayon sa kan­yang pagiging public servant kesa pagi­­ging isang artista. Kung dun siya makakahanap ng fulfillment eh sumige na siya.

*    *    *

Isa pang anak ni Sen. Bong Revilla, Jr. ang nag-ar­tista na rin. Ito ay si Luigi Revilla. Umagaw ito ng pansin nang ipakilala sa presscon ng Koreana kung saan ay kabilang siya sa cast.

Mas bata si Luigi kina Bryan at Jolo pero hindi maitatangging isang Revilla o Bautista (tunay na apel­yido ng mga Revilla) dahil taglay nito ang mga features ni Jolo, mas maputi nga lamang siya sa kan­yang “kuya” at marahil ay mas naka­mukha ng ina kesa ni Bong.

Tamang-tama ang pag-entra niya sa showbiz dahil nag­babalak na si Jolo na mag-concentrate sa politics (tatakbo ito sa barangay elections) at si Bryan naman ay chief of staff ni Bong sa senado kaya si Luigi na ang magpapatuloy sa show­biz affi­liation ng mga Revilla. Oo nga naman.

*    *    *

Gusto rin palang mag-showbiz ng dating girlfriend ni Richard Gutierrez (girlfriend na ni Borgy Ma­no­toc ngayon), si Georgina Wilson. Hindi ma­sama dahil maganda, ma­husay magsalita, at magiging asset naman sa showbiz lalo na kung telebisyon ang papasukin nito. Puwede rin itong mag-artista, sinabi niyang kaya niyang magpaka-masa kung kaka­ilanganin. I think she’s being con­sidered para maging co-host sa ba­gong programa ni Willie Revilla­me na kung saan ay mag­kakaroon din ng segment si DJ Mo Twister.

Maganda si Georgina at kung sa­kali ay puwede silang paglabanin ni Solenn Heusaff na may ma­gan­da rin yatang balak ang GMA 7?