Panay ang text ng kaek-ekan, baguhang aktres nililigawan ng castaway?
Alagang i-text ng isang male castaway ng Survivor Philippines: Celebrity Showdown ang isang maganda at baguhang artistang babae ng GMA 7. Nagkakilala ang dalawa nang sabay mag-guest sa isang show ng Q Channel 11, nagkatsikahan habang naghihintay sa taping, nagpalitan ng numbers at ngayon, textmates na sila.
Hindi alam ng magandang newcomer kung nanliligaw sa kanya ang castaway dahil wala naman itong sinasabi, basta madalas lang mag-text. Nangungumusta lang ang binata at nakikibalita sa kung anu-anong kaek-ekan.
Madalas mag-krus ang landas ng dalawa dahil pareho silang nasa Channel 7 na at malaki ang chance na magkaligawan dahil parehong single. Susubaybayan namin ang dalawang ito!
Steven marunong nang magpaikot kapag si Diva ang usapan
Ang daya ni Kris Bernal, open ipakita ang cell phone sa amin dahil binura na niya ang picture ni Jay Perillo na for sometime ay screen saver niya at ’dun namin nabuko na meron silang “something.” Hindi ito sumagot nang usisain namin kung break na sila ng singer-actor na malabo nga namang mangyari dahil nagsisimula pa lang ang relasyon nila.
Kaya hindi magiging makatotohanan kung ili-link si Kris kina Steven Silva o Rocco Nacino na leading men niya sa Koreana dahil si Jay ang nagpapasaya sa kanya, bukod sa balik-sigla niyang career via the said soap na magsisimula bukas after Trudis Liit.
Feeling din namin, naisahan kami ni Steven dahil nang tanungin namin sa eksena nila ni Diva Montelaba sa Starbucks, Timog na sweet-switan at nagtakip pa ng hood si Diva para hindi makilala, kung saan-saan dinala ang usapan at ’di kami sinagot. Hmmp!
* * *
Dapat may taping si Iza Calzado ngayon ng Beauty Queen, pero nagpaalam siya kay Direk Joel Lamangan na mag-a-absent muna sa taping dahil magho-host sila ni Dingdong Dantes ng Quezon City Foundation Day Achievement Awards na gagawin sa Crowne Plaza Hotel.
Kabilang sa bibigyan ng award sina President Noynoy Aquino na Kyusi ang address bago naging presidente ng bansa at ang GMA 7 na located din sa Kyusi.
Siguradong present sa Achievement Awards ang mga officials ng QC government sa pangunguna nina Mayor Herbert Bautista at Vice Mayor Joy Belmonte.
- Latest
