Bagong version ng sex video nina Katrina at Hayden nagkalat na naman!
TRUE : Pagkatapos manganak ni Judy Ann Santos nung nakaraang Huwebes, meron pa palang exchange gifts sila ni Ryan Agoncillo na matagal na nilang pinagplanuhan iyan.
Nalaman sa phone-patch interview sa kanila sa Startalk kamakalawa na ang regalong ibinigay ni Ryan kay Judy Ann ay isang singsing at ang gift naman ng huli sa actor-TV host ay isang Daddy watch.
Malaki ang pasasalamat ni Juday na hindi naman siya gaanong nahirapan sa panganganak, kaya kung siya ang masusunod, gusto sana nitong masundan agad para isang pahingahan na lang.
Wala pang balak ang aktres na bumalik sa trabaho dahil gusto nitong personal na alagaan si Baby Lucho kasama ang panganay nilang si Yohan at wala silang balak na kumuha ng yaya.
TANONG : Hindi lang promo ito ng Ilumina, pero totoo kayang medyo nahuhulog na ang loob ni Aljur Abrenica sa katambal niyang si Rhian Ramos? Medyo natatakot lang dumiskarte ang aktor.
Hiningan namin ng reaksiyon si Rhian tungkol diyan at natawa ito dahil tingin nga niya na maraming makakaagaw kay Aljur.
“If ever mangyari ’yun, masyadong maraming kaagaw. Hahaha! Alam mo ’yun, ’tapos nakaka-intimidate siya siguro kasi dun sa buong batch niya, siya ’yung nanalo, siya ’yung parang napaka-alpha male niya. Pero alam ko namang mabait si Aljur it’s just siguro kailangan pa naming magkuwentuhan pa,” pahayag ni Rhian.
Kung totoo nga ito, maaaring mali ang nakarating din sa amin na balitang nagkabalikan sina Aljur at Rich Asuncion.
TOTOO KAYANG may kumakalat na naman ngayon na panibagong bersiyon ng sex video nina Katrina Halili at Dr. Hayden Kho, Jr.?
Klinaro namin ito sa abogado ni Katrina na si Atty. Raymund Palad. Wala raw siyang alam kung anong klaseng bersiyon ito.
Ang nakarating lang sa kanya, meron ngang isa pang bersiyon pero ang nagsasalita lang ay si Katrina at wala na silang ibang ginagawa.
Hindi namin alam kung makakaapekto ito sa kaso pero patuloy pa rin itong dinidinig at minamadali na nga nilang matapos na.
Sa Oct. 26 magri-resume ang hearing ng kasong ito na Rep. Act 9262 laban kay Dr. Hayden Kho, Jr. at simula na iyon ng defense na kung saan si Hayden ang unang isasalang.
Bukas naman ay haharap si Katrina sa movie press para sa Beauty Queen at ewan ko kung sasagutin niya itong isyung gusto na niya sanang tapusin.
TSIKA LANG : Mamaya pagkatapos ng Trudis Liit na magsisimula ang Koreana na pagbibidahan ni Kris Bernal.
Kung kabado si Kris dahil ito ang kauna-unahang drama series niyang wala si Aljur, mas kabado sina Rocco Nacino at Steven Silva dahil dito rin mapapatunayan kung may karapatan na silang maging leading man.
Kailangan nilang patunayang mali ang tingin ng iba sa kanila na hindi pa sila kayang itambal kay Kris dahil hindi pa nila ka-level si Aljur Abrenica.
- Latest
