Jason mauwaw ni Shaina

CEBU, Philippines - Giangkon ni Jason Abalos nga kinahanglan nga preparado gyud siya permi kung iyang ikaatubang si Shaina Magdayao sa mga eksena nila sa serye nga Alyna aron matarong niya pag-portray ang iyang karakter. “Mas nahihiya akong humarap ngayon kay Shaina kasi sobrang hirap ng characters. Kaya umaga pa lang ng taping, sobrang nagpre-prepare na ‘ko,” suma pa sa young actor.

Noah naglawig gihapon

Mihinay ang Survivor Philippines Celebrity Showdown sa GMA-7 gumikan kay nakakuha lang kini og 24.3% nga rating batok sa Noah sa ABS-CBN nga nakaangkon og 33.2%. Kini base sa labing ulahi nga resulta sa Kantar Media sa national households. Gituohan nga mosamot kakusog ang Noah ilabi na nga misulod na sa maong serye ang batang aktres nga si Xyriel Manabat.

Lloydie nagpasalamat ni Paul

Nagpasalamat si John Lloyd Cruz ngadto sa uyab ni Toni Gonzaga nga si Direk Paul Soriano gumikan sa dakong pag-uyon niini sa team-up nila ni Toni sa usa ka pelikula sa Star Cinema. “Pinag-usapan namin ‘yan e. Malaking bagay yun kasi siyempre lalake sa lalake ‘di ba? Para sabihin niya kay Toni yung ganong bagay. Yung para bang ipinagkakatiwala sa’yo yung taong mahal niya. Salamat kung ganon at wala siya dapat ipag-alala,” nagkanayon ang aktor ngadto sa abs-cbn.com.

Cristine mipasumbingay

Walay hunong ang pagkalambigit sa pangalan ni Cristine Reyes ngadto sa laing Kapamilya star nga si Zanjoe Marudo busa panawagan sa aktres nga dili sila angay pugson kay higala ra gyud sila ni Zanjoe.

“Bakit niyo ba kami pinipilit?! Ha ha ha! Ewan ko sa kanya. Siya tanungin niyo! Ayokong i-push. Hayaan nating mangyari ang mga mangyayari,” hirit pa sa aktres.

Mike: Dili ko reklamador!

Gikahibulong pag-ayo ni Mike Tan ang pagkatap karon sa mga istorya nga matud pa nga pilian kaayo siya og pagkaon sa set sa sitcom nga Kaya Ng Powers. Depensa pa sa young actor nga dunay higayon nga gipangutana siya sa staff kung unsa ang gusto niya nga kan-on, ug igo ra siya misulti sa gusto niya nga kan-on sanglit nag-diet siya niadtong higayona.Matud pa niya nga dili siya reklamador nga pagkatawo busa dili angay tuohan ang maong isyu. (Sanden J. Anadia)