'Di lang makasuway sa nag-uutos, Marian napipilitang makipagbati sa mga nakakaaway
Hindi naman pagtatakhan kung totoo ngang napilitan lang makipag-ayos ni Marian Rivera kay Bela Padilla dahil ito ang gusto ng mga bossings ng kinabibilangan niyang GMA 7. Umabot na kasi sa punto na naapektuhan na ng husto ang maganda niyang imahe na pinaghirapang itaas ng nasabing network.
Hindi man niya ka-level ang apo ni Eva Cariño-Padilla at hindi man siya totoong Padilla, hindi maitatanggi ni Marian na siya ang magdurusa kung hindi nakialam ang kanyang istasyon. Tapos na ang isyu, eh bakit may mga sinasabi pa rin siya diumano tungkol dito?
Muntik na namang mauwi sa away ang natsismis na pamimintas niya kay Maria Venus Raj nang bumisita ito sa set ng Show Me Da Manny at maging guest sa isang episode. Hindi man siya nagandahan sa beauty queen, the fact na ika-apat itong pinakamaganda sa sinalihang 2010 Miss Universe ay hindi mapasusubalian. Add to this na may magandang PR si Venus at humahakot ng mga tagahanga. Siguradong hindi niya sariling pagpapasya ang ginawa niyang pakikipag-ayos dito, may nag-utos na naman sa kanya na hindi niya masusuway. At hindi man niya ka-level si Venus sa pagiging isang artista, hindi matatawaran ang ibinigay nitong karangalan sa bansa na mas mababa man sa naibigay ng maraming naging Binibining Pilipinas at ipinadala natin sa Miss U at naging 1st runner-up, iba ang karisma ng isang Venus Raj. Hindi rin matatawaran ang kanyang kababaan ng loob.
Dapat, magsilbing leksiyon na ito sa itinuturing na reyna ng GMA 7. Ang pagiging reyna ay may kaukulang responsibilidad at imahe na kailangan niyang pangalagaan. Hindi lahat ng aawayin niya ay puwedeng magsawalang kibo na lamang, hindi ba Rhian Ramos?
* * *
Walang duda kung gaano kahusay na entertainer si Rico J. Puno. Walang tututol, maging ang mga nakasama niyang sina Nonoy Zuñiga, Marco Sison, Hajji Alejandro, at Rey Valera kapag sinasabing siya ang nagsilbing backbone ng kanilang matatagumpay na konsiyerto hanggang sa labas ng bansa na marahil ay nasaksihan ng isa sa mga malalaking tao ng ABS-CBN kaya sila kinuha para mag-host ng Pilipinas Win na Win, ang dating Wowowee.
Hindi tatawaging Total Entertainer si Rico J. kung hindi naging matagumpay ang kanyang mga palabas na solo bago pa sila nagkasama-sama nina Nonoy, Rey, at Marco at maging ang nawala nang si Hajji. Pero, iba ang TV at iba ang concert. May script na dapat sundin sa telebisyon, may puwede at hindi puwedeng sabihin na sa aking palagay ay makababawas sa effectivity ng isang performer o performers. Ito ang magiging problema ng grupo ni Koriks. Limitado sa TV ang kanilang sasabihin at gagawin, dahil tanghali kaya dapat wholesome ang show. At maiiwasan ba ni Rico J na hindi gawing pamato sa kanyang pagpapatawa si Pokwang o maging si Valerie Concepcion? Pero kapag nagawa niya ito, pasado na siya o sila, meron na namang malilikhang mga bagong TV hosts. Panoorin natin ngayong tanghali, kung kakayanin ba nila o hindi ang mag-host ng noontime variety show.
* * *
Wala na palang balak si Iza Calzado na ibenta ang kanyang bahay na napabalita nung ipinagbibili na niya dahil hindi maganda ang dating ng kanyang career.
“ I thought I needed a smaller house pero napag-isip-isip ko na mahirap na naman na mag-ayos kung bibili ako ng mas maliit pero mas bagong bahay. Napa-feng shui ko pa ito at nalaman ko na maganda ang vibration ng bahay, wala ni anumang espiritu akong kasama rito. Besides, happy and comfortable ako sa bahay ko,” sabi ng seksing aktres na kasama sa White House movie ng Regal Films at meron pa ring sisimulang series sa GMA, ang The Beauty Queen.
* * *
Sina Georgina Wilson, Anne Curtis, at Heart Evangelista ang choice ni Mo Twister bilang pinakaseksing babae niya sa showbiz. Marami ang nagtataka kung bakit hindi kasama sa listahan ang sinasabing girlfriend niyang si Rhian Ramos.
“Kaibigan ko siya, siguro never ko siyang tiningnan as someone sexy although I know she’s one beautiful and sexy girl, I ask her for advice, for tips, lalo na ngayong I’m acting again,” sabi niya referring to the horror movie of Regal.
- Latest
