Chris Tiu nasa Q Channel 11!
MANILA, Philippines - Unang nakilala ang youth icon na si Chris Tiu bilang isang basketball heartthrob at commercial model. Pero hindi maikakailang mas nakilala siya bilang tagapagbalita ng mga kakaibang kuwento sa Ripley’s Believe It Or Not na mapapanood na sa Q Channel 11 simula ngayong Linggo, October 3.
Mula sa isang high tech studio, ibabahagi ng host na si Chris sa mga viewers ang mga out-of-this-world na kuwento at pangyayari sa buong mundo. Kaya siguradong kaabang-abang ang bawat episode ng show!
Hatid ni Chris ngayong Linggo ang mga bagong istoryang magpapabilib sa mga viewers – isang lalaki na nakawala sa masikip na posas sa loob lang ng ilang segundo; mga deboto na nagpapahid ng abo ng patay sa buong katawan; magkaibigang umakyat sa bundok na 7,000 feet ang taas habang naka-stilts; at isang bata na natanggal ang anit dahil sumabit ang buhok sa makina ng ferris wheel! Abangan ang lahat ng ito sa bago nitong timeslot tuwing Linggo simula Oct. 3, 8:10 pm sa Q Channel 11.
- Latest
