Join forces si Jaijan ug Xyriel

CEBU, Philippines - Aron mabuntog ang Survivor Philippines sa Mega Manila, maghiusa og pwersa sila si Xyriel Manabat ug Zaijan Jaranilla sa Noah.

Dili dengue

Viral infection matud pa ang balatian ni Dingdong Dantes, dili dengue. Kini suma pa ni Marian Rivera.

Ibalik si Kris!

Ibalik gyud matud pa sa ABS-CBN ang Deal or No Deal diin si Kris Aquino mao gihapoy host.

Molansar si Chris!

Molansar sa Barangay election si Chris Tiu.

Hugyaw na og studios!

Sa Broadway Centrum studios na ang broadcast ug taping sa PO5, Face to Face ug Star Factor.

Excited si Rico

Naghinamhinam na si Rico Blanco sa iyang unang salga sa acting pinaagi sa Imortal nga magsugod na karong Lunes. Gikan sa www.stir.ph

Mariel na-misinterpret lang

Mipadayag si RR Enriquez nga na-misinterpret lang matud pa sa uban si Mariel Rodriguez. Kung siyay pasultihon, buotan ug maayo nga higala si Mariel nga kanhi niya co-host sa Wowowee.

Goodbye Kris!

Inay kagahapon, karong adlawa pa manamilit si Kris Aquino sa Pilipinas Win Na Win. Sa Lunes pa magsugod ang The Hitmakers isip mga bag-ong co-hosts.

Triplets reunion

Duna matud pay giplano karon nga reunion ang The Triplets nga gilangkuban nila ni Christina Paner, Sheryl Cruz, ug Manilyn Reynes. Si Manilyn mismo ang mibutyag niini ngadto kang Kuya Germs.

Willing Willie sa October 23!

Sa October 23, makit-an sa telebisyon pinaagi sa TV5, ang Willing Willie ni Willie Revillame.

Pinaagi sa usa ka press conference nga gipasiugdahan sa mga kadagkuan sa TV 5 didto sa Shangri-La EDSA, nasayran nga sa Sabado, alas singko ngadto sa alas siyete sa gabii ang pilot episode sa nahisgutang show sa kontrobersyal nga TV host.

Sa pangutana kung unsaon nila pagpasalida ang maong show nga duna may giduso nga Temporary Restraining Order ang ABS-CBN aron dili mapasalida ang Willing Willie, ang abogado sa TV5 nga si Atty. Ray Espinosa namahayag nga dili matud pa sila makigtigi sa korte.

Apan misumbalik og pangutana si Espinosa, unsa kasigurado matud pa ang ABS-CBN nga duna gyud silay lig-on nga kaso.

Kahinumduman nga midangop sa korte ang ABS-CBN aron babagan ang pagpasalida na sa Willing Willie sa TV5, gumikan kay matud pa, duna pay kontrata si Willie sa Kapamilya network nga mapupos sa September pa sunod tuig.

Samtang sa susamang presscon, gipahibaw pud sa TV5 ang ilang umaabot nga mga salida. Kini maglakip sa Laugh or Love ni Vic Sotto, My Driver Sweet Lover, ang mubalik nga Batibot, ug ang Willing Willie.

Kining maong mga salida maoy pambato sa TV 5 sa last quarter niining tuiga.