Dahil kay Juday, mga buntis naengganyong magpaganda!

Ipinalabas na kahapon ang guesting ko sa Asar Talo, Laging Panalo kaya alam na ng buong Pilipinas na richer ako ng P150,000.

Nag-enjoy ako sa pagsali sa game show ni Edu Manzano, hitsurang inabot ng tatlong oras ang taping.

Nasagot ko ang mahihirap na tanong ni Edu pero sumamblay ako sa question tungkol sa title ng kanyang filmfest movie noong 1994. Kahit bigyan ako ng datung, hindi ko maalala ang pamagat ng old movie ni Edu dahil 16-years ago na ’yon ’noh!

* * *

Hamburger at spaghetti ang ipinaluto ni Allih Padilla sa kanyang madir na si Liezel Sicangco nang magkita sila sa Australia.

Ang kapatid ni Allih na si Queenie ang nagkuwento sa mga reporters tungkol sa mga pagkain na ni-request ng kanyang bunsong kapatid.

Si Queenie ang panganay sa apat na anak nina Robin Padilla at Liezel. Nakabukod ang magkapatid na Queenie at Kylie kay Robin dahil nakikisama na ito kay Mariel.

* * *

Totoo ang tsismis, maganda ang Flawless billboard ni Judy Ann Santos sa Guadalupe, Makati.

Lalaki ang ipinagbubuntis ni Juday pero sa ganda niya, mapagkakamalan na babae ang isisilang niya sa last week ng September.

Si Jun de Leon ang photographer ng Flawless billboard ni Juday. Na-capture ng lente ng camera ni Jun ang serenity at kagandahan ng isang buntis na babae na masaya sa kanyang buhay.

Naengganyo nga ang mga buntis na magpunta sa Flawless dahil very effective sa kanila ang bonggang billboard ni Juday.

* * *

Heto ang mga comments na natanggap ko mula kay Hannah Kim Torres na nag-emote tungkol sa Survivor Philippines: 

“I just want to give some comments about Survivor Philippines. I’m an avid viewer of the show. 

“Of all the castaways, my favorite is Solenn Heussaff, she’s a socialite but she’s not maarte plus she still looks pleasant on TV unlike other castaways na mukhang mabaho na. 

“I like the ‘samahan’ of Magan Tribe, chill lang and may friendship na nabuo, unlike sa Nagar tribe na parang mga desperado na manalo ng P3 million kaya palaging nagsisiraan. 

“I hope matanggal very soon sina Jon Hall at Michelle Madrigal because they are both plastic and sinisiraan nila ang ibang castaways. Please publish my comments sa PSN but don’t publish my e-mail address.”

* * *

May suggestion sa GMA 7 management ang reader na si Alfred de Jesus. Sana raw ay magkaroon ng TV remake ang Diwani na pinagbidahan noon ni Alicia Vergel at ang M&M na tinampukan ni Carmen Rosales.

Well-loved novel noon sa Hiwaga Klasik Komiks ang Diwani at maganda ang kuwento ng M&M na bagay na bagay na maging teleserye ng Kapuso.