Kanta ng XLR8 humahataw

MANILA, Philippines - Ang boy group ng Viva Communications XLR8 ay may napatunayan na naman sa kanilang mga fans. Hit na hit kasi ang bagong single nilang I Love You Girl mula sa self-titled debut album ng gru­po. Ito ang sumunod sa You’re So Hot, I Love You Girl.

Ang XLR8 na ang pagkakabigkas ay tulad ng “ac­celerate”, ibig sabihin ay papabilis ang takbo, ay nag­papakita lamang ng bilis ng kanilang pagsikat dahil sa angking talento. Tinitilian at pinagkaka­gulu­han ang dance group saan man magpunta.

Kabilang sa grupo sina Hideaki Torio (Aki), John Carlo B. Lazerna (Carlo), ang kambal na sina Mel­john (MJ) at Melmar G. Magno (MM), Adrian Jus­tine R. Muhlach (AJ), Francis Albert Ramos (Ki­ko), Arkin del Rosario, Jr. (Arkin), and Caleb B. Santos (Caleb).

Si MJ ang sumulat ng mga kantang Ms. Beau­tiful, Dance With Me, at I Love You Girl. Si AJ naman ang half-brother ni Aga Muhlach.

Mapapanood ang performance ng XLR8 tuwing Linggo sa Party Pilipinas sa GMA 7. Kasama rin ang group sa Record Breaker tour ni Sarah Gero­nimo sa Sept. 24 sa Cabanatuan at sa Oct. 8 sa Bataan. Maaari rin silang abangan sa SM San Laza­ro sa Sept. 26, SM Lucena sa Oct. 9, at sa Market! Market! sa Oct. 29.