Sarah suportado ng Sunsilk sa Record Breaker

MANILA, Philippines - Naging successful ang Record Breaker concert tour ni Sarah Geronimo kamakailan sa United States and Canada kaya excited naman ngayon ang mga fans dito sa Pilipinas dahil iikot na ang Pop Princess sa mga probinsiya.

Katulong ang Sunsilk, Viva Concerts and Events, ang Record Breaker tour ay natapos na sa Cagayan de Oro at Ormoc. Kasunod na ang Lipa, Batangas bukas, Sept. 17, Cabanatuan, Sept. 24, at Zamboanga, Sept. 30.

Masuwerte rin ang mga manonood dahil maraming handog ang Sunsilk. Maaaring makakuha ng mga libreng tiket (1,000) at free make-over sa Pop Up Salon na tatlong araw nasa concert cities.

Bawat isandaang mamimili ng Sunsilk shampoo sa lugar na nabanggit ay may pagkakataong manalo ng dalawang tiket kung ipakikita ang proof of purchase. Ang libreng make-over ay pagsa-shampoo at conditioning ng buhok, blow dry, at may photo session pa ng final make-over. Para makakuha nito, bumili lamang ng isang Sunsilk Shampoo bottle o Sunsilk Conditioner tube; o isandosenang Sunsilk Shampoo o conditioner sachet.

Tulad ng nakaraang Sunsilk treats, ang unang trentang shoppers na darating sa pagbisita ni Sarah, na may ipakikitang P200 proof of purchase ng kahit anong shampoo o conditioner sachet, bote, o tube, ay maaaring makapagpapirma at magpa-litrato kasama ang Pop Princess. At maiuuwi agad ang souvenir print!

Ang mga venues kung saan maaaring mapuntahan si Sarah sa mga nasabing probinsiya: Citimart Baymall at SM Lipa (Sept.16), NE Pacific & Save More Megacenter sa Cabanatuan (Sept. 23), at Southway Square Zamboanga (Sept. 30).