J.Lo ipaila na

CEBU, Philippines - Gikatahong $12 million ang nauyonan nga talent fee ni Jennifer Lopez aron mulingkod isip judge sa umaabot nga season sa American Idol. Suma pa nga una siyang nangayo og $15 million, ingon man pelikula ug guestings, pero wala matuman.

James Yap na-ospital

Gikatahong nalandig gihapon karon sa tambalanan si James Yap tungod kay kinahanglan pa niya nga magpatambal sa iyang ilong. Unang gikataho sa column ni Philippine Star entertainment editor Ricky Lo kagahapon nga gi-operahan si Yap aron matangtang ang “polyp” nga maoy nakaingon nga naglisud pagginhawa ang basketbolista.

Jewel nakit-an sa ABS-CBN

Miulbo ang pagduda nga hingpit na gyud nga mubiya si Jewel Mische sa GMA-7, human siya nasigpati sa nataran sa ABS-CBN kauban sila si Deo Endrinal ug Star Magic’s Johnny Manahan niadtong Lunes.

Baby Girl ang anak ni Roxanne

Nanganak na si Roxanne Guinoo niadtong Lunes sa The Medical City. Babaye ang ilang unang anak sa iyang non-showbiz boyfriend nga si Angelo Yap.

Saad ni Maja

Gipaneguro ni Maja Salvador nga matagaan niya og hustisya ang iyang pagdala sa TV adaptation sa Inday Sa Balitaw nga unang gidala kaniadto ni Maricel Soriano niadtong 1986.

Wilma kever sa isyu

Dili na manumbaling si Wilma Doesnt sa intriga nga matud pa nga duna siya’y attitude problem hinungdan nga gibiyaan siya sa iyang make-up artist.

Naanad

Wala’y problema alang kang Erich Gonzales ang pagdala niya isip nagsabak nga dalaga sa pelikula nila ni Enchong Dee nga “I Do” gumikan kay nakasuway na siya sa maong papel sa serye niya kaniadto nga Katorse.

Sarah mapaubsanon

Mauwaw si Sarah Geronimo nga tawgon siya og superstar gumikan kay wa siya’y plano nga moilog sa titulo ni Nora Aunor. Tsika pa niya nga kontento na siya sa iyang pagka-pop princess.

“Pangako”

Mapasigarbohong gipahibalo sa grupong Cueshe nga duna sila’y bag-ong single ug kini   nag-ulohan og “Pangako” nga usa sa mga unod sa ikaupat nila nga album nga “Life”. 

Amy ang ina magenta

Si Amy Perez na ang bag-ong Ina Magenta, ang inahan ni Faye, sa Agimat Ni Enteng nga bituonan nila ni Vic Sotto ug Sen. Bong Revilla para sa Metro Manila Film Festival karong Disyembre.

Jay-r ug kyla mag-duet

Sila si Jay-R ug Kyla maoy mokanta sa awit nga “Hanggang Ngayon” ug “Mahal Kita, Walang Iba” sa umaabot nga kasal nila ni Ogie Alcasid ug Regine Velasquez karong Disyembre.

John Meyer concert dayon gyud

Mahinayon na gyud matud pa ang concert ni John Meyer sa Pilipinas karong October 1, human kini na-cancel niadtong May 16, tungod kay nasakit ang nahisgutang international singer. Si Aiza Seguerra maoy front act, ug ipahigayon kini sa SM Mall of Asia, ubos gihapon sa Fearless Productions nila ni Jomari Yllana ug Congressman Ronald Singson.