Enchong naguol

CEBU, Philippines - Nagoul si Enchong Dee gumikan kay nagkahanap ang posibilidad nga magkapares sila sa iyang idolo nga si Empress Schuck sa usa ka drama series. Giingong lain nga Kapamilya star ang mapares ni Empress sa sunod nga proyekto niini sa Dos.

Zanjoe gimingaw ni Mariel

Gimingaw na si Zanjoe Marudo sa iyang ex-girlfriend nga si Mariel Rodriguez . Gi-control hinuon ni Zanjoe ang iyang gibati sanglit malipayon na siya sa lovelife ni Mariel uban sa boyfriend niini  nga si Robin Padilla.

Juicy paborito ni Maricris

Tsika pa sa usa sa mga miyembro sa La Diva nga si Marcris Garcia nga paborito niya ang showbiz program nga Juicy sa TV 5 . Dugang pa sa dalaga nga ang blind item maoy atngan niya sa maong show.

Survivor mall show gihugopan

Mihugop ang liboan ka mga Sugbuanon sa   mall show sa reality show nga Survivor Philippines Celebrity Showdown sa SM City Cebu niadtong sa Sabado sa hapon. Pipila sa mihatag    og kalingawan mao ang mga castaways nga sila si Michelle Madrigal ,John Hall,Solenn Heussaff,Aubrey Miles, Aira Bermudez, Ahron Villena ug ang host sa maong show nga si Richard Gutierrez.

Solenn gikapoy na sa intriga

Tsika pa sa Survivor Philippines Celebrity Showdown castaway nga si Solenn Heussaff nga gikapoy na siya sa pagsige og paminaw og intriga partikular na sa pagkalambigit sa iyang pangalan ngadto kang Richard Gutierrez. “Sana matapos na ang intriga na yan, close lang kami ni Richard kasi bestfriend ko yung ex-girlfriend niya na si Geogina (Wilson) ,” saysay pa ni Solenn dinhi sa Banat Hugyaw sa miaging adlaw.   

Aira magpabilin gihapon sa Sexbomb

Gihimakak ni   Aira Bermudez ang mga hungihong nga matud pa mobiya na siya sa Sexbomb gumikan kay gusto na siya nga mag-solo. “Walang” katotohanan yan, sa Sexbomb ako nagsimula kaya hindi ko sila iiwanan,” depensa pa ni Aira.

Jhon ganahan mo-arte

Tsika pa ni Jon Hall nga bisan dili siya kabalo mo-arte, andam gihapon siya moatubang sa hagit sa showbiz ug gusto siya nga mahimong action star gumikan kay idol niya si Robin Padilla. “Dako kaayo og mahatag nga exposure ang Survivor, ug kung dunay offer sa showbiz, ako gyud na nga dawaton,” matud pa ni Jhon gamit ang binisaya nga pinulongan . Nasayran nga nagpuyo kaniadto sa Mandaue si Jhon sa dihang wala pa siya motikang sa kaulohan.

Jay-R, Kyla mosidlak sa Indonesia

Mipirma og   recording contract sa Indonesia sila si Jay-R ug Kyla . Nahimamat mismo sa duha ang nagdumala sa Tarra Group Indonesia nga si Mr. Wirawan Hartawan.Giingong himoan og Bahasa version ang nagkadaiyang mga sikat nga kanta nila ni Kyla ug Jay-R . Matud pa sa duha nga mao na kini ang panahon nga mailhan sila sa mga tawo sa Indonesia.

Michelle miniwang

Miniwang og maayo ang lawas ni Michelle Madrigal sukad siya miapil sa Survivor Philippines Celebrity Showdown sa GMA-7. “ Halos hindi ako makakain kaya nabawasan ako ng 10 pounds,” hirit pa sa aktres. Giangkon sa aktres nga dunay mga panahon nga gusto na siya nga moundang sa maong show apan wala kini madayon gumikan kay dili siya gusto nga biyaan niya ang iyang boyfriend nga si John Hall nga apil usab sa maong reality show. (BANAT)