Kris at Mayor Binay, hindi na nagtatago

Nakunan ng Tweetbiz na magkasama sa isang mall sa Makati City sina Kris Aquino at Mayor Junjun Binay.

Kasama ni Kris ang kanyang anak na si Baby James.

Narinig daw na nagtanong ang bagets sa kanyang madir kung mag-boyfriend na sila ni Mayor Binay at natawa raw si Kris.

Nakunan ng mga tao ang eksena dahil hindi naman daw sinasaway ni Kris ang mga cellphone camera na nakatutok sa kanila.

At dahil may mga ebidensiya na magkasama sila ni Mayor Binay, i-expect natin na lalong iingay ang mga tsismis tungkol kay Kris at sa biyudong alkalde.

* * *

Kanino nga ba nanggaling ang balita na si Bayani Agbayani ang co-host ni Edu Manzano sa Asar Talo Pero Laging Panalo?

Mismong ang executive producer ng bagong game show ni Edu ang nagsabi sa akin na guest lamang si Bayani sa dry run ng Asar Talo...

Ang paglilinaw ng executive produ ang proof na mali ang pralala na co-host si Bayani sa show ni Edu.

* * *

Hindi pa ako sure kung tuloy ang guesting ko sa Asar Talo… dahil may balita na nakarating sa akin na afraid daw ang mga artista na ako ang mang-asar sa kanila.

Bakit sila matatakot? Dahil ba may mga sikreto sila na itinatago na alam ko?

In fairness to me, very true na marami akong alam na secrets ng mga artista pero hindi ko ikinukuwento sa iba o isinusulat.

Takot siguro ang ibang artista sa akin dahil sila ang mga hindi puwedeng pagkatiwalaan ng mga sikreto. Ibinibintang nila sa akin ang kanilang mga katsipan. Katsipan daw o!

* * *

Guest co-host kahapon sa Unang Hirit si Venus Raj.

Bikolana si Venus kaya nagpakita siya ng kanyang talent sa pagluluto ng laing.

Humanga kay Venus ang mga tumikim sa kanyang laing dahil napakasarap daw nito.

Ano kaya ang ilalagay na title ni Mama Salve sa kuwento ko tungkol kay Venus? Sana, title na hindi nakakaloka!

(Hahaha. Hindi na po promise. Pasensiya na kay Ms. Venus. - SVA)

* * *

Over-acting ang trapik kahapon sa Edsa. Marami ang na-late sa kanilang appointments dahil sa trapik.

Mabuti na lang, hindi na-late si Jinkee Pacquiao sa flight niya sa Singapore.

Lumipad si Jinkee sa Singapore para mag-shopping. Sosyal di ba?

Fly naman sa Vietnam sina Edu Manzano at Pinky Webb na nagkabalikan matapos nilang maghiwalay noong panahon ng eleksiyon. Talagang para sa isa’t isa sina Pinky at Edu. Boto ako na sila ang mag-end up together dahil bagay na bagay ang dalawa.

* * *

Happy ako dahil bongga ang mga feedback sa Cebuana Lhuillier Pawnshop commercial namin nina Sarah Geronimo, Gladys Reyes at Manay Celia Rodriguez.

Lahat ng nakakausap ko eh pare-pareho ang sinasabi, aliw na aliw daw sila sa aming TV commercial.

Siyempre, happy ako sa mga positive feedback dahil pinaghirapan namin ang TV commercial na dalawang araw namin na ginawa. Hindi pa kasama roon ang pictorial at ang recording namin para sa mga radio plug.

Maraming salamat sa Cebuana Lhuillier Pawnshop management sa raket na ibinigay nila sa akin at sa mga tao na naka-appreciate sa aming television ad.

Malay natin, baka magkaroon ng sequel ang TVC dahil sa mga bonggang comment!