Sarah ug Angelica binantayan gyud

CEBU, Philippines - Dili kay si Angelica Panganiban ra ang dunay duha ka bodyguards karon nga magpunay og sunod-sunod niya sa iyang mga tapings ug appointments. Hasta pud si Sarah Geronimo diay, dunay duha ka bodyguards nga binayran sa Viva.

“Alyna” si Shaina

“Alyna” ang title sa umaabot nga teleserye ni Shaina Magdayao sa ABS-CBN, diin siya na gyuy bida. Istorya matud pa kini sa usa ka dalaga nga problemado ang lovelife.

Sam ug Andi sa Cosmo

Cover sa Cosmo Men supplement sunod bulan ang Kapamilya star nga si Sam Milby ug kabahin kini sa September 2010 issue sa Cosmopolitan magazine diin cover niini si Andi Eigenmann.

Moral support

Gisaad sa RNB Prince nga si Jay-R nga kung dili siya busy, motan-aw siya sa Ms. International pageant karong Nobyembre aron suportahan ang iyang uyab nga miapil sa maong indigay nga si Krista Kleiner.

John absent sa presscon

Mitikang sa Brazil si John Estrada uban sa iyang girlfriend nga si Priscilla Meirelles busa wala ang presensiya niini sa presscon sa programa niya nga Everybody Hapi sa TV5 .

Cosmo centerfolds

Sila si Christian Bautista, Jorosss Gamboa, Carl Guevara, Matteo Guidicelli, Fabio Ide, Rocco Nacino, Bryann Foronda, Marco Manalac, ug Tom Rodriguez maoy Cosmo centerfolds karong buwana.