Sa Tsina gaganapin kaya natatakot: Krista umaasa ng panalo sa Miss International

TRUE : Mariing itinatanggi nina Richard Gutierrez at Solenn Heusaff na nagkadebelopan sila sa isang isla sa Thailand kaya nakapagdesisyon ang aktor na tapusin na ang relasyon nila ni Jewel Mische.

Sa party ng Survivor Philippines : Celebrity Showdown kamakalawa ng gabi, kapansin-pansin na laging nakatabi si Richard kay Solenn pero sey naman ng huli, huwag nang lagyan ng malisya ‘yun dahil magkaibigan lang daw talaga sila.

Close daw siya kay Raymond Gutierrez at pati sa mga ex-girlfriend ni Richard na sina Anne Curtis at Georgina Wilson kaya malabong ligawan siya ng aktor.

Hindi rin daw niya maisip ang posibilidad na magkadebelopan silang dalawa.

Ayaw na ring palakihin pa ni Richard ang break-up nila ni Jewel. Kung ano raw ang nasabi niya sa Showbiz Central nung Linggo ay iyun na ‘yun.

TANONG : Ayaw na raw ng Mommy ni Krista Kleiner na pasalihin ito sa Ms. International na gagawin sa China?

Natatakot na raw siya (ina) sa security ng kanyang anak dahil hanggang ngayon ay galit nga naman ang karamihang Chinese sa mga Pinoy kaya baka maapektuhan daw ang pagsali roon ni Krista.

Pero sinabi ni Krista na gagawin niya ang lahat para makuha ang title at ipapanalangin na lang daw niyang hindi ganun kanegatibo ang pagtanggap sa kanya ng mga Chinese sa naturang competition.

Sa November 7 na ang Ms. International at magsisimula na si Krista ng training para makuha raw niya ang title.

Kung okay sa schedule ni JayR, sasamahan daw niya ito para magbigay suporta at mabantayan din niya ang kasintahan.

TOTOO KAYANG ikinakalat na ngayon ng ilang mga taga-ABS CBN na ang Yaya Moi ni Piolo Pascual ang wagi sa Survivor Philippines : Celebrity Showdown?

Kamakalawa lang nagsimula ang naturang reality show, pero kahapon ay pinag-usapan na sa radyo pati sa ilang Twitter account na may lumabas na leakage na si Yaya Moi nga raw ang wagi bilang Ultimate Celebrity Survivor.

May nakarating na sa aming ideya kung ano ang nangyari sa mga huling araw nila sa isla ng Ranong, Thailand.

Sa totoo lang, malaking twist ito na pati mga castaway ay naloka sa malaking pagbabago. Kaya kung sino man ang naiwang finalists, wala silang kaideya-ideya kung sino ang papanalunin ng mga nasa jury.

TSIKA LANG : Katatapos lang ni Mark Herras mag-taping sa Langit sa Piling Mo at napagdesisyunan nitong sa Party Pilipinas na muna siya at hindi muna gagawa ng teleserye.

Kailangan raw niyang magpataba at mag-focus sa kanyang kalusugan dahil nabawasan nga ang timbang niya.

Ang target ng young actor ay dalawang buwan na pagpapataba at mag-gym para mabalik ang dating ganda ng katawan.

Okay na raw munang pasayaw-sayaw siya sa Party Pilipinas dahil na-miss na rin daw niya ang dati niyang ginagawa sa naturang musical-variety show.

“Masaya ako dahil nakabalik na ako sa Party Pilipinas, ito na ‘yung simula. Matagal din ako na di nakapagsayaw dahil nanghina nga ‘yung katawan ko,” pahayag ng aktor.