Mariel tsismosa, kuwento ni Angelica tungkol kay Claudine at sa inili-link na lalaki ikinukuwento kung kani-kanino

TRUE : Nagdesisyon na si Robin Padilla na bago matapos ang buwan ng Setyembre ay dadalhin na ang bunsong anak nitong si Alih sa Australia para makapiling na ni Liezl Sicangco.

Ito na lang ang hinihintay ni Liezl — ang mapag­bigyan ang hiling niya at hindi na siya magsasalita ng kung anuman laban kay Robin.

Nangako na si Liezl sa mga anak niya na hindi na siya magsasalita at tutuparin niya ito basta ipadala na sa kanya ang anak nilang bunso na si Alih.

TANONG : Fair kaya ito kay Jewel Mische na kung kailan break na sila ni Richard Gutierrez ay saka naman umamin na naging sila?

Ganyan ang reaksiyon ng karamihang nakapa­nood sa Showbiz Central nang finally ay aminin ni Richard na naging sila ni Jewel pero ngayon ay hindi na. Kaya deretsahan niyang sinabing “Maniwala man kayo o hindi, now I’m single!”

Text sa amin ng isang follower (0918-4321677): “Kawawa naman si Jewel. Sabi ni Richard wala na sila. Sayang lang ang pagiging GF niya sa dilim.”

Marami ang naniniwalang magkakabalikan ang dalawa lalo na kung matutuloy si Jewel bilang leading lady ni Richard sa Captain Barbell.

TOTOO KAYA ang nakarating sa amin na balitang kay Mariel Rodriguez ikinuwento ni Angelica Panganiban ang tungkol kay Claudine Barretto at ang lalaking inili-link sa kanya na si Martin Castro?

Hindi lang namin makausap si Mariel para kumpirmahin kung siya nga ba ang nagkalat ng tungkol dito pagkatapos itong ikuwento sa kanya ni Angelica.

Itutuloy pa rin kaya ni Claudine ang banta niyang demanda kay Angelica?

TSIKA LANG : Patuloy pa rin ang fund-raising activity ng mga artistang kaibigan ni Dick Israel para may pantustos ito sa kanyang pagpapagamot.

Nung kamakalawa ay nagkaroon ng acoustic concert sa Bellissimo, ang pag-aaring restaurant ni Cesar Montano, at inimbita ang mga malalapit na kaibigan para makalikom ng pera na ibibigay kay Dick.

All Strings a Tatz ang title ng concert dahil Tatz ang tawag nila kay Dick at mahilig ito sa acoustic music.

Sa tulong ng best friend ni Cesar na si Mr. Kenneth Dong na nag-celebrate rin ng kanyang kaarawan nung gabing ’yun, nabuo ang mini-concert na dinaluhan ng mga malalapit nilang kaibigan sa showbiz gaya nina Phillip Salvador, Jestoni Alarcon, Bayani Agbayani, Boy2 Quizon, at marami pang humabol.

Kahit hindi nakadalo, nangako kay Cesar sina Sen. Bong Revilla, Jr. at Dingdong Dantes na magbibigay sila ng tulong para kay Dick.