Sarah: Idol ug Glee managlahi ra!

CEBU, Philippines - Gipadayag ni Sarah Geronimo dili angayang ikumpara ang kantaserye niya nga Idol sa American TV musical show nga   “Glee.” “Ay! Ano ba, i-compare ba sa Glee? Siyempre ibang-iba naman po ang ‘Idol.’ Magkapareho lang sa aspect na musical TV show siya, pero iba naman po ang storya. At Glee yun! Iba ang followers ng Glee, iba rin naman siguro ang followers ng Idol. O pwede ring pareho ‘di ba? Sana [ganon ang mangyari]. Basta huwag na lang po natin i-compare,” saysay pa ni Sarah ngadto sa ABS-CBN News.

Venus uyon sa interpreter

Uyon si Miss Universe 4th runner-up Maria Venus Raj sa mga sugyot nga kinahanglan nga dunay interpreter ang Pilipinas sa sunod nga Miss Universe pageant . Hinoun giklaro sa aktres nga depende ra kini sa kandidata kung komportable ba kini o dili nga magbitbit og interpreter. Samtang gipadayag ni Venus nga bukas siya sa posibilidad nga mahimong artista sa GMA-7 ug iya ra kini nga hisgutan sa saktong panahon.

Glam Girls nabungkag na

 Giingong nabungkag na ang gitawag nga Glam Girls sa Party Pilipinas nga sila si Heart Evangelista ug Bianca King gumikan sa ilang panagbangi dili pa lang dugay.

Lora nakigbisog

Nagmalaumon ang giila nga   “Philippine’s R&B Jewel,” nga si Lora Love nga magmalampuson siya sa gipasaka niya nga kasong estafa batok sa producer-composer nga si Larry Hermoso. “He can steal my money but he can never steal my dreams,” matud pa ni Lora. Kasamtangan karon nga gi-promote ni Lora ang carrier single niya nga “Mahal Na Mahal Kita”.

Ann Li nangita og proyekto

Hangtud karon, wala pa’y nadawat nga TV project ang 15 anyos nga Taiwanese ug kanhi Pinoy Big Brother Teen Clash 2010 housemate nga si Ann Li. Matud pa sa dalaga nga andam siya magpaabot og maayong oppurtunidad sa showbiz . “Basta bigyan nila ako ng chance, I’ll take it,” hirit pa sa dalaga.

Baron single na pud

Giangkon ni Baron nga nagbuwag na sila sa iyang Fil-Australian girlfriend nga si Rachel Stephenson. “Pareho kaming nag-decide, hindi niya kaya, nade-depress din siya, kasi dalawa trabaho niya du’n ( Australia), kumikita siya ng pera du’n pero dito, para siyang naging yaya ko. Pero maalaga siya talaga, wala akong masabi,” suma pa sa aktor. (BANAT)