Aga ug Angel motikang sa Japan karon

CEBU, Philippines - Mogikan karong adlawa sila si Aga Mulach , Angel Locsin ug    direk Olive Lamasan paingon sa Tokyo, Japan aron himoon ang mga importanteng eksena sa umaabot nga pelikula nila nga Huling Sayaw.

Paambit pa ni Aga ngadto sa Pang Masa   nga matag- adlaw gyud siya nga nagtoon og sayaw sanglit pito ka matang sa sayaw ang kinahanglan niya nga i-perform sa maong pelikula sama sa tango, rhumba, paso-doble ug uban pa.

Sunod tuig pa ipasalida   ang Huling Sayaw busa gikumusta ang aktor kabahin sa wala pa mahuman nila nga pelikula ni Regine Velasquez sa Viva Films .

Matud pa ni Aga nga six shooting days nalang ang nahibilin sa pelikula nila ni Regine ug andam siya motiwas niini.

Aminado si Aga nga conflict ang mga schedule nila ni Regine hinungdan nga nalangan ang paghimo sa maong pelikula apan dili pa niya kini matiwas karong panahona gumikan kay lain-lain ang estilo sa iyang haircut sa duha niya ka mga pelikula..